استبياع الجيل الجديد [الأرشيف] - منتديات داعي إلى الله

M.7aleem

05-Dec-2007, 04:46 AM

السلام عليكم ورحمة الله وبركاتة
دى بقى امنيات
الجيل الجديد
يعنى قولت حاجه خفيفه
تفوقنا شويه
--------------
يارب ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القرايب الصغير منهم والكبير
يارب أغثنا من كل عميل.. ومن فواتير موبينيل
يارب أرحمنا من تشريفه عربيات المسئولين، وزحمة الشوارع في كل حين
وسحب الرخص في كل كمين.. من الغلبان مش من المتين
يارب اهدى لنا سواقين الميكروباص
ومديرى شركة الباص
يارب ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
يارب قنا شر الكليبات..
وشر غمزات البنات.. ولؤم الستات وغباوة الحموات
وهيافة الصحف والمجلات و أونر الجروبات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألوفات
والمنتديات اللى محتاجة زيارات
ووقوع السيرفر وقفلة السايتات
يارب ارفع مستوى الفريق القومي..لمستوى إنبي والحدود.. أو حتى مستوى أسمنت أسيوط
أو أرسل يارب عليه صاعقة.. بدل ما يخلونا نموت..
يارب سدد أقساطنا.. وضلل عنا مآمور الضرايب
يارب ارزق جيل الوسط عقود عمل في ليبيا وقطر
يارب افتح لجيلنا القديم الطريق الفسيح
حتى ننظف الملابس بالمناديل
يارب ارحمنا من الاكتئاب مرض العصر والشباب
واكفنا شر صاحب الدقن الكداب
وصاحب التصريحات النصاب
يارب ارزق كل بنت بعريس هدية.. أهبل ومعاه ابتدائية
وكل شاب بوظيفة وشقة وعربية
يارب أحرق الـ6600
واضرب الحرامي بالحرامية
ونجح أي طالب في أي كلية
-----------
ها حد قال امين
عارف كله قال امين
انا عن نفسى
قولتها قبل كده كتير
--------
والسلام عليكم ورحمة الله وبركاته