طارق فؤاد
19-Nov-2007, 07:07 PM
عم سلامة
كان عم سلامة تاجر شاطر من صغره وكان يعرف يطلع القرش من حنك السبع كما يقول المثل العامي
عم سلامة كان بيزعل من الناس اللي بتقول عليه بخيل لانه كان بيحب يسمي نفسه حريص لان ثروته اللي جمعها كانت اغلي حاجة عنده وسلامتها عنده اهم من سلامته هو شخصيا
عم سلامة كان معلق علي مد خل وكالته يفط مكتوب عليها امثال شعبية تلخص فلسفته في الحياة
معاك قرش تسوي قرش
والقرش الابيض ينفع في اليوم الاسود
خد من التل يختل
كان عم سلامة يروح الوكالة كل يوم اول واحد يفتح ابوابها ويقعد يستني العمال علي الباب وهو بيشرب نص كباية شاي خفيف بالنعناع من غيرسكر ويقول ارزق يارب ويفكر النهارده اعمل ايه علشان نزود القرشين شوية ما هي الدنيا ما تنضمنش والخميرة اللي راكن عليها هي سلاحي في الدنيا دي وبعد نص الليل يقفل الوكالة ويروح يحط القرشينات جنب اخواتهم في الخزنة وينام مطمئن البال
الي ان رأى عم سلامة حلم قلب حياته راسا علي عقب واتغير حاله وبقي مشغول البال ومش طايق يكلم حد وعمال بيسأل عن حد بيفسر الاحلام حتى سمع عن شيخ طيب دله الناس عليه هو الشيخ منصور فأرسل اليه ليقابله في الوكالة ودار بينهم هذا الحديث
عم سلامة : اهلا وسهلا ياعم الشيبخ منصور جيت في وقتك الحقني الله يخليك
الشيخ منصور : خير ياعم سلامة فيه ايه
عم سلامة : انا بقالي اسبوع احلم نفس الحلم وقلقان جدا وعايزك تفسر لي الحلم
الشيخ منصور : اللهم اجعله خير قول ياعم سلامة
عم سلامة : انا باحلم كل يوم ان شيخ وقور مهيب الطلعة يجيي ويقول لي
الشيخ منصور:انت قرب ميعاد سفرك وحتسيب البلد دي وتروح لمكان جديد يا اما ارض الخيرات يا أما ارض الالام
عم سلامة : بس انا مبسوط هنا ومش عايز اسافر
الشيخ منصور:ده مش بيدك انت لازم حتسافر زي ما كل الناس اللي سبقوك ما سافروا
عم سلامة : الامر لله مادام معايا فلوسي مش مهم فين - حاشتغل في اي مكان
الشيخ منصور: انت حتسيب فلوسك هنا.. محدش بيخدها معاه - عملة بلدك ما تنفعش هناك - كمان ما فيش شغل هناك فات وقته
عم سلامة : يانهار ابيض حسيب فلوسي انت بتقول ايه ده مستحيل وامال حعيش هناك ازاي
الشيخ منصور:ما تخفش كده انت ممكن تحول فلوسك لعملة ارض الخيرات قبل ما تسافر في بنك الصدقة الجنيه الواحد يمكن تحوله لسبعمية جنيه ويمكن اكثرويضاف لرصيدك في فرع البنك في ارض الخيرات تستلمهم هناك لما تسافر
عم سلامة : يعني انت عاوزني احول كل فلوسي هناك واقعد هنا اشحت لحد ما اسافر
الشيخ منصور:مين قال انك تحول كل فلوسك - جزء صغير من اللي حطته تحت البلاطة علشان رصيدك هناك ما يبقاش صفر
عم سلامة : لا ياعم فلوسي حتقل والناس حتعايرني وتقول افتقر بعد ما كان غني
الشيخ منصور:ومين قالك ان فلوسك هنا حتقل الجميل انك كل ما تحول جنيه حتكسب بداله تاني هنا بس ما تستعجلش يعني فلوسك مش حتنقص من المبالغ اللي بتحولها وانت هنا لحد ما تسافر جرب بس وانت تتأكد بس ما تستعجلش
عم سلامة : ياعم قول كلام غير ده هو ده معقول
الشيخ منصور: ايوه بستغرب ليه زي البذرة اللي بتزرعها في الارض بتطرح سبع سنابل في كل سنبلة مائة حبه
عم سلامة : لا ياعم انا باحب فلوسي اوي ومقدرش افارقها وبحب نفسي قوي كمان
الشيخ منصور: ما هو علشان ما تفارقهاش لازم تحولها هناك لانك مسافر مسافر هناك وعلشان بتحب نفسك لازم تعمل لمصلحتها هناك لانك حتقعد هناك علي طول
عم سلامة : لا ياعم انا عايز فلوسي تفضل معايا حاحولها سبايك دهب وفضة واخدها معايا وانا مسافرعصفور في اليد خير من عشرة علي الشجرة
الشيخ منصور: ذنبك علي جنبك انت كده حتتمنع من ارض دخول ارض الخيرات لان رصيدك في فرع بنك الصدقة حيكون صفروحتدخل ارض الالام بدالها شايل سبايك دهبك وفضتك علي ظهرك
عم سلامة : مش مهم مادام دهبي وفضتي معايا حعيش ملك
الشيخ منصور: الدهب والفضة مش حتنفعك هناك ما تشتريش بيهم لقمة ولاشربة ماء
عم سلامة : طيب وسبايك الدهب والفضة بتاعتي ايه مصيرهم هناك
الشيخ منصور: حتتسخن وتتكوي بيها لحد ما تلعن اليوم اللي كنزتها فيه
عم سلامة : ياعني اعمل ايه بس
الشيخ منصور: القرار بيدك اما ان تنمي فلوسك هنا وهناك في بنك الصدقة وتدخل ارض الخيرات بأذن الله او تشيل دهبك وفضتك علي ظهرك وتروح بيهم علي ارض الالام وانا فهمتك اللي حيحصل لك لو صممت على اللي انت فيه..
و مشي الشيخ منصور الوقور و جلس عم سلامة يفكر فيما قاله له و لا يعرف ماذا يفعل..
رأيكم يعمل أيه؟
كان عم سلامة تاجر شاطر من صغره وكان يعرف يطلع القرش من حنك السبع كما يقول المثل العامي
عم سلامة كان بيزعل من الناس اللي بتقول عليه بخيل لانه كان بيحب يسمي نفسه حريص لان ثروته اللي جمعها كانت اغلي حاجة عنده وسلامتها عنده اهم من سلامته هو شخصيا
عم سلامة كان معلق علي مد خل وكالته يفط مكتوب عليها امثال شعبية تلخص فلسفته في الحياة
معاك قرش تسوي قرش
والقرش الابيض ينفع في اليوم الاسود
خد من التل يختل
كان عم سلامة يروح الوكالة كل يوم اول واحد يفتح ابوابها ويقعد يستني العمال علي الباب وهو بيشرب نص كباية شاي خفيف بالنعناع من غيرسكر ويقول ارزق يارب ويفكر النهارده اعمل ايه علشان نزود القرشين شوية ما هي الدنيا ما تنضمنش والخميرة اللي راكن عليها هي سلاحي في الدنيا دي وبعد نص الليل يقفل الوكالة ويروح يحط القرشينات جنب اخواتهم في الخزنة وينام مطمئن البال
الي ان رأى عم سلامة حلم قلب حياته راسا علي عقب واتغير حاله وبقي مشغول البال ومش طايق يكلم حد وعمال بيسأل عن حد بيفسر الاحلام حتى سمع عن شيخ طيب دله الناس عليه هو الشيخ منصور فأرسل اليه ليقابله في الوكالة ودار بينهم هذا الحديث
عم سلامة : اهلا وسهلا ياعم الشيبخ منصور جيت في وقتك الحقني الله يخليك
الشيخ منصور : خير ياعم سلامة فيه ايه
عم سلامة : انا بقالي اسبوع احلم نفس الحلم وقلقان جدا وعايزك تفسر لي الحلم
الشيخ منصور : اللهم اجعله خير قول ياعم سلامة
عم سلامة : انا باحلم كل يوم ان شيخ وقور مهيب الطلعة يجيي ويقول لي
الشيخ منصور:انت قرب ميعاد سفرك وحتسيب البلد دي وتروح لمكان جديد يا اما ارض الخيرات يا أما ارض الالام
عم سلامة : بس انا مبسوط هنا ومش عايز اسافر
الشيخ منصور:ده مش بيدك انت لازم حتسافر زي ما كل الناس اللي سبقوك ما سافروا
عم سلامة : الامر لله مادام معايا فلوسي مش مهم فين - حاشتغل في اي مكان
الشيخ منصور: انت حتسيب فلوسك هنا.. محدش بيخدها معاه - عملة بلدك ما تنفعش هناك - كمان ما فيش شغل هناك فات وقته
عم سلامة : يانهار ابيض حسيب فلوسي انت بتقول ايه ده مستحيل وامال حعيش هناك ازاي
الشيخ منصور:ما تخفش كده انت ممكن تحول فلوسك لعملة ارض الخيرات قبل ما تسافر في بنك الصدقة الجنيه الواحد يمكن تحوله لسبعمية جنيه ويمكن اكثرويضاف لرصيدك في فرع البنك في ارض الخيرات تستلمهم هناك لما تسافر
عم سلامة : يعني انت عاوزني احول كل فلوسي هناك واقعد هنا اشحت لحد ما اسافر
الشيخ منصور:مين قال انك تحول كل فلوسك - جزء صغير من اللي حطته تحت البلاطة علشان رصيدك هناك ما يبقاش صفر
عم سلامة : لا ياعم فلوسي حتقل والناس حتعايرني وتقول افتقر بعد ما كان غني
الشيخ منصور:ومين قالك ان فلوسك هنا حتقل الجميل انك كل ما تحول جنيه حتكسب بداله تاني هنا بس ما تستعجلش يعني فلوسك مش حتنقص من المبالغ اللي بتحولها وانت هنا لحد ما تسافر جرب بس وانت تتأكد بس ما تستعجلش
عم سلامة : ياعم قول كلام غير ده هو ده معقول
الشيخ منصور: ايوه بستغرب ليه زي البذرة اللي بتزرعها في الارض بتطرح سبع سنابل في كل سنبلة مائة حبه
عم سلامة : لا ياعم انا باحب فلوسي اوي ومقدرش افارقها وبحب نفسي قوي كمان
الشيخ منصور: ما هو علشان ما تفارقهاش لازم تحولها هناك لانك مسافر مسافر هناك وعلشان بتحب نفسك لازم تعمل لمصلحتها هناك لانك حتقعد هناك علي طول
عم سلامة : لا ياعم انا عايز فلوسي تفضل معايا حاحولها سبايك دهب وفضة واخدها معايا وانا مسافرعصفور في اليد خير من عشرة علي الشجرة
الشيخ منصور: ذنبك علي جنبك انت كده حتتمنع من ارض دخول ارض الخيرات لان رصيدك في فرع بنك الصدقة حيكون صفروحتدخل ارض الالام بدالها شايل سبايك دهبك وفضتك علي ظهرك
عم سلامة : مش مهم مادام دهبي وفضتي معايا حعيش ملك
الشيخ منصور: الدهب والفضة مش حتنفعك هناك ما تشتريش بيهم لقمة ولاشربة ماء
عم سلامة : طيب وسبايك الدهب والفضة بتاعتي ايه مصيرهم هناك
الشيخ منصور: حتتسخن وتتكوي بيها لحد ما تلعن اليوم اللي كنزتها فيه
عم سلامة : ياعني اعمل ايه بس
الشيخ منصور: القرار بيدك اما ان تنمي فلوسك هنا وهناك في بنك الصدقة وتدخل ارض الخيرات بأذن الله او تشيل دهبك وفضتك علي ظهرك وتروح بيهم علي ارض الالام وانا فهمتك اللي حيحصل لك لو صممت على اللي انت فيه..
و مشي الشيخ منصور الوقور و جلس عم سلامة يفكر فيما قاله له و لا يعرف ماذا يفعل..
رأيكم يعمل أيه؟