المدرسة المدرسة والله العظيم المدرسة

[miss-aya]

السلام عليكم ورحمه الله

يا جماعه المدرسة
بجد المدرسة وزي ما حلفت فوق هقولها تاني والله العظيم المدرسة


طيببببببببببببببببببببببببببببببببب خلاص عرفنا المدرسة انتي عايزه ايه بقي؟؟؟



حماده اخويا الصغير جاء النهارده وبمنتهي البراءة والله سئلني آية هو اللي يكون سبحان الله 100 مره
ليه قصر في الجنه بصراحه انا عاجبني سؤاله قوي فقوتله ايون وانت عرفت منين قالي الميس بتاعتي
قاتلنا كدا وانا قوتلها 220 مره كدا ليا هناك قصرين


وسبني ومشي والله والفرحه مليانه عيونه كان فرحان جدااااااااااااااااا انه ليه قصرين في الجنه
وفضل طول النهار يعد في القصور


انا كمان كنت فرحانه قوي بس كنت فرحانه بالميس وبالمدرسة
فرحت بالميس لانها قاتلهم كدا واكيد وصلتها بطريقه محببه للاطفال
فرحت انه لسه في مدارس بتعلم الولاد حاجه كويسه او بتعلمهم دين كويس
المدرسة مختلطة بنات وولاد لكن هناك بيخلوهم يتعاملو مع بعض باحترام
حتي لو دا عيب في مدارسنا اننا بنخليهم مختلط الا ان المدرسة واخده بالها
علي قد ما بيقدرو


المهم انا عجبني جداااااااااااااااااا موقف الميس بتاعت الفصل وازاي قدرت تحبب
الاطفال فكلمة كبيرة ومهمه زي سبحان الله بجد بجد ربنا يكرمها ويجزيها خير

ومن هنا انا بقولكم المدرسه المدرسه علي انها الصرح الكبير المهم الطوبه الاولنيه
في حياة الطفل اللي فعلا اما تعلم وبس او تربي وتعلم تبني جيل مهتم بالدين
وبالاخلاق قبل حتي التعليم

المدرسة جزء مهم من البيت مكمله لعمل البيت واما يمشو في خطين متوازين
او خطين متباعدين والمدرس برضو عليه حمل كبير جدااااااااااااااااااا
ياااااااااااه دا بيبني امة بحالها بيبني شباب رجاله اللي هيطلع ظابط واللي مهندس واللي عالم

تعالو نشوف النماذج كدا
الظابط اللي عذب عماد الكبير في الحادثه المشهوره اللي كلكم عارفينها تفتكرو البيت والمدرسة قبل البيت ليهم دور في عقده النفسية بتاعت الظابط دا

طيب الظابط اللي مات شهيد وهو بينقذ البنت اللي خطفها المكيرو باص هل تفتكرو البيت وبرضو المدرسة ليهم اثر وعامل كبير في تربيته


المدرسة مهمه جدااااااااا
والمعلم فعلا فعلا كاد ان يكون رسولا

اتمني من الله لو في يوم قدر ليا اني اشتغل مدرسة
اني اساهم وله بجزء صغير في تربية برعم من براعم
الجيل الجديد

وان شاء الله برضو لو قدر ليا اني اتزوج واكون ام:D
ان شاء الله هحول اختار لابنائي اصلح واحدث واكثر المدارس
تفهما في الدين عشان اللي انا فوته من عمري هم يغتنموه

جزاكم الله خير

:) :)

[M.7aleem]

طب بالله عليكى يا اخت ايه
خليه يقول
سبحان الله وبحمده سبحان الله العظيم
عشان يتعرس ليه نخله فى الجنه
ومتقلقيش
وهتخدى انتى كمان الثواب
بس تعرفى والله يا ايه انتى عندك حق
المدرسه ليها دور كبير جدا فى التربيه
بل وهى اساس فى التربيه لان الطفل فى السن ده
ممكن يتكلم مع مدرسه او الميس بتعته اكتر ما يتكلم فى البيت
فاكيد المدرس او المدرسه هيقصر على شخصيته
بس ممكن ده يكون بيحصل فى بعض المدارس
او بالتحديد المدارس الخاصه
الا بقى لو فى اساتذه افاضل يعلمون جيدا
معنى كلمة التربيه والتعليم
يعنى زى ما بنقول كده
بيراعوا ضمائرهم فى شغلهم
ربنا يجزيها خيرا يا رب على اللى هى بتعمله مع الاطفال فى المدرسه
وربنا يبارك فى حماده يا رب ويحفظه
وقوليله فى واحد هيدخل معاك فى منافسه
ونشوف بقى مين فينا اللى هيبقى عنده قصور كتير فى الجنه

[miss-aya]

ربنا يكرمك يا اخ مصطفي
هقوله علي المسابقه بس دا ممكن يسبقك انا بقولك اهو:D
وكمان ان شاء الله اكمله سبحان الله

هو الفكره عموما انا محبتش اكبرها عليه واقوله لا قول كدا وقول كدا حاسيته جاء فرحان من المعلومه وفرحان انه
ليه قصر في الجنه يمكن انا شايفه الي الان واتذكر من ايام ما كنت صغيرة ان ماما قبل ما ننزل واحنا علي الباب يا ولاد اذكار الصباح
يا ولاد اذكار المساء يلا هنام آية الكرسي يلا قولو المعوذتين وحماده بيعمل تلقائي معانا وماما تقول مثلا قول كدا عشان ربنا يحبك قول كدا عشان
تدخل الجنه يعني زي اي ام عايزه تخلي الحكايه سهله ومعتاد عليه علي لسان طفلها


بس انا اللي عاجبني ان مدرسة الفصل تاخد بالها فعلا من انها تقول معلومه كدا للاطفال وهي ممكن اساسا ميكونش في دماغها وكمان ساعات بيكون كلام الميس مصدق عليه حتي لو احنا حابنا نغيره بيبقي صعب ودا تلاقيه في الانجلش اكتر لو الميس نطقه كلمه ولكن نطقها كان غلط لو حابيت الام تصلحه هيبقي صعب جدا بل من الممكن انه يبقي مستحيل عشان كدا انا كنت مبسوطه من موقف الميس
وربنا يجعل المدراس كلها سؤاء خاصه او لا كدا برضو

=========================

بمناسبة المسابقه
افتكرت لما كنت في سنه 2 في الجامعه وكانت اول سنة تدين والتزام
المهم اني يوم مولد النبي صلي الله عليه وسلم كنت مضايقه من الاحتفال
بالشكل بتاع حلاوة المولد واشكال البددع المختلفه ونقلت هذا الضيق
لجميه زملائي وزميلاتي في الجامعه ومن هنا طرحنا فكرة المسابقه في هذا اليوم
او بمعني اصح طرحها احد زملائي نحسبه علي خير قال هنعمل مسابقه بينا كلنا
يوم المولد النبوي الشريف مين فينا اكتر واحد هيجيب صلاه علي الحبيب المصطفي
واستغفار وبدائنا المسابقه واذكر ان الارقام ساعتها كانت بالالف الف استغفار والف صلاة

بصراحه كانت مسابقه محفزة وقيمه وجميلة جدااااااااااا

=========================
اسفه طلعت عن سياق الموضوع بس افتكرت بالمره:D
جزاكم الله كل الخير

[محمد سعيد]

موضوع جميل فعلاااااااااااااا والله المفروض كلنا ليل نهار نقولها بدل ما احنا محرومين فى الدنيا كده يبقى عندنا حاجه فى الاخرة

[miss-aya]

جزاك الله الجنه

[mohamedmokbel]

موضوع جميل فعلا...............

http://www.21za.com/pic/thankyou001_files/7.gif

[Psycho]

جزاكى الله كل خير
و ان شاء الله يبارك فى حماده..( مش هو اللى كان معانا فى الحفله ؟؟ )..
و ربنا يكرم الميس بتاعته ويجزيها كل خير ان شاء الله
هى و كل المدرسين والمدرسات امثالها
اللى بيحاولوا دايما يغلفوا كل حاجه حواليهم و حوالين اطفالهم بغلاف الدين

[miss-aya]

جزاكم الله كل الخير

ايوه هو اللي كان معنا في الحفله

[جويرية بنت الحارث]

ربنا يبارك فيك
اختى الحبيبة
بالقطع المدرسة لها دور عظيم فى الغرس فىنفوس الأطفال
القيم والدين والمعانى السامية
وكلن اين المدرسة حاليا ؟؟
قل جدا هذا الأسلوب التربوى
ورجع العبء كله على الأسرة

[سماء الدنيا]

موضوع جميل بارك الله فيكى وربنا يباركلك فى حماده ويرزقك الزوج الصالح