لماذ يكتفي معظمنا بمقعد المتفرج

[miss-aya]

السلام عليكم ورحمه الله

انا عايزه اتكلم عن حاجه هنا في المنتدي وبجد هعملها تصويت عشان نخلي بالنا
واحنا بنتعامل مع اركان المنتدي
وكمان عشان الكاتب يخلي باله من نوعية الكتابات اللي بيكتبها
ويجدد الطرح ويخليه شيق وممتع


السؤال هو

لماذ يكتفي بعض المشاركين والاعضاء بالصمت وبمقاعد المتفرجين من الدخول للمواضيع ومناقشه افكاره؟؟

الاستفتاء فوق
وعايزين اجابتكم هنا كمان
طمع بقي :D

جزاكم الله الجنه

[rasha]

السلام عليكم ورحمة الله وبركاته
جزاكى الله خيرا استفتاء مهم وموضوع بدا يكون ملحوظ فعلا فى المنتدى
وانا شايفة ان ده بيرجع لطريقة عرض الموضوع
فمثلا طول الموضوع ممكن يعمل ملل عند القارئ وبالتالى ما يكملهوش
او نتيجة لاختيار الموضوع نفسه
مهم جدا اننا نختار بذكاء المواضيع اللى تفيد الشباب فى نفس الوقت تجذبهم
كمان لون الخط وحجمه وتنويع الالوان
ومفيش مانع لو حط صورة لزيادة التنويع فى الصفحة
اعتقد دى حجات ممكن تجذب القارئ
والله اعلم