المساعد الشخصي الرقمي

مشاهدة النسخة كاملة : اقصر طريق الي قلبك جوزك معدته؟؟

miss-aya
03-Nov-2007, 04:11 PM
الكلام دا صح وله غلط
بصراحه انا سمعت المقوله دي قريب من احدي قريباتي
وهي في حد ذاتها سيده تملك من العمر 60 سنة ومصره ومصممه
ان اقرب طريق لقلب جوزك معدته !!!! لدرجه انها حكتلي ازاي اول يوم زواجها اول يوم بجد
انها ماكلتش الاكل اللي عملينه ليها اهلها ونزلت اشترت حاجات وعملت لجوزها اكل
يعني يوم الصبحيه اول يوم الزواج نزلت السوق واشترت خضار واكل وطبخت !!!!!!!!!!
وانا لما قوتلها اه طبعا الاكل مهم بس انا مش هتجوز راجل مفجوع يعني ميحبنيش لو مطبختش
كان ردها لالالالالالالالا طبعااااااااااااااا اقرب طريق لقلب جوزك معدته (فكرتني بالله يرحمها سعاد حسني وهو هي:D )


طيب قولت اجي بقي واسئل الاخوات خصوصا
وجميع الاخوه عموما

هو صحيح اقرب طريق لقلب جوزك معدته؟؟؟؟؟؟؟
M.7aleem
03-Nov-2007, 06:48 PM
والله يا اخت ايه ممكن فى بعض الحالات
بس من وجهة نظرى انا
اقرب طريق لقلب الزوج
انه يلاقى وبالبلدى كده
انسانه اصيله عايشه معاه
يعنى تراعى ربنا فيه
وتعينه على طاعة ربنا
وتصون غيابه
وتراعى ربنا فى تربية الابناء
مش تفتكرى ان كل دى طرق لقلبه
وبعدين كل الحاجات دى مفتكرش انها
هتكون صعبه على الست
لان ده من صميم واجبها
شكرا يا ايه على مواضيعك المتميزه
اخوكى فى الله
طارق فؤاد
03-Nov-2007, 10:42 PM
بسم الله الرحمن الرحيم

ممكن يكون الكلام ده صحيح.. بس طبعا كتير هيقولوا : لأ..
لأن الأكل مش كل حاجة لأن فيه أكيد حاجات تانية أهم..
بس المسائل الفسيولوجية زي الأكل أكيد بتأثر على النواحي النفسية.. يعني مثلا لو مراتك عاملة أكل ما عجبكش (طبعا من السنة أنك ما تقولش انه مش عاجبك) بس أكيد هيبان عليك و أكيد مش هتاكله .. و نظرا لأن مراتك لازم هتسألك هو الأكل مش عاجبك؟؟ فانت لازم ترد بصراحة و بذكاء بمعنى مثلا: "حاسس أن ماليش نفس للبسلة النهاردة.." و كده يعني و هي هتفهم و مفروض ماتطولش في الموضوع و الأسئلة و تعرف إن (إن البسلة مش عاجبك النهاردة و اكيد قيه سبب و لازم تتلافى في المستقبل السبب اللي خلى البسلة مش زي الأول أو زي ما كانت والدته بتعملها.. أو ما تعملش بسلة تاني و خلاص... صح؟؟؟

نعم أحد الطرق إلى قلب الرجل معدته
فلو عملت مراتك أكلة حلوة مثلا و انت بتحبها هتنبسط و ده بالـتأكيد هيدعم العلاقة بينكم
(على فكرة أم عبد الرحمن قاعدة جنبي و ربنا يستر)
ابو محمد
04-Nov-2007, 12:24 AM
بسم الله الرحمن الرحيم
ليس صحيحا ان اقرب الطرق الى قلب الزوج معدته
لكن اقرب الطرق الى قلبه الكلمة العذبة والابتسامة اللطيفة
ولا ننسى ان اكثر البيوت تقوم على المعاشرة بالمعروف
miss-aya
04-Nov-2007, 08:54 AM
والله يا اخت ايه ممكن فى بعض الحالات
بس من وجهة نظرى انا
اقرب طريق لقلب الزوج
انه يلاقى وبالبلدى كده
انسانه اصيله عايشه معاه
يعنى تراعى ربنا فيه
وتعينه على طاعة ربنا
وتصون غيابه
وتراعى ربنا فى تربية الابناء
مش تفتكرى ان كل دى طرق لقلبه
وبعدين كل الحاجات دى مفتكرش انها
هتكون صعبه على الست
لان ده من صميم واجبها
شكرا يا ايه على مواضيعك المتميزه
اخوكى فى الله


السلام عليكم
كلام جميل يا اخ مصطفي
بس خلونا في الواقع لو مراتك مش بتعرف تطبخ ؟؟ هتحبها:D ؟؟
miss-aya
04-Nov-2007, 08:56 AM
بسم الله الرحمن الرحيم


ممكن يكون الكلام ده صحيح.. بس طبعا كتير هيقولوا : لأ..
لأن الأكل مش كل حاجة لأن فيه أكيد حاجات تانية أهم..
بس المسائل الفسيولوجية زي الأكل أكيد بتأثر على النواحي النفسية.. يعني مثلا لو مراتك عاملة أكل ما عجبكش (طبعا من السنة أنك ما تقولش انه مش عاجبك) بس أكيد هيبان عليك و أكيد مش هتاكله .. و نظرا لأن مراتك لازم هتسألك هو الأكل مش عاجبك؟؟ فانت لازم ترد بصراحة و بذكاء بمعنى مثلا: "حاسس أن ماليش نفس للبسلة النهاردة.." و كده يعني و هي هتفهم و مفروض ماتطولش في الموضوع و الأسئلة و تعرف إن (إن البسلة مش عاجبك النهاردة و اكيد قيه سبب و لازم تتلافى في المستقبل السبب اللي خلى البسلة مش زي الأول أو زي ما كانت والدته بتعملها.. أو ما تعملش بسلة تاني و خلاص... صح؟؟؟

نعم أحد الطرق إلى قلب الرجل معدته
فلو عملت مراتك أكلة حلوة مثلا و انت بتحبها هتنبسط و ده بالـتأكيد هيدعم العلاقة بينكم
(على فكرة أم عبد الرحمن قاعدة جنبي و ربنا يستر)



كلام موزون وصادق جداااا وسلملنا علي ام عبد الرحمن:D
صحيح هي بتعرف تطبخ:D ؟؟
miss-aya
04-Nov-2007, 08:57 AM
بسم الله الرحمن الرحيم
ليس صحيحا ان اقرب الطرق الى قلب الزوج معدته
لكن اقرب الطرق الى قلبه الكلمة العذبة والابتسامة اللطيفة
ولا ننسى ان اكثر البيوت تقوم على المعاشرة بالمعروف
جزاك الله خير علي المشاركه
ونفس السؤال اللي كتبته للاخ مصطفي
لو مراتك مش بتعرف تطبخ خالص هتفضل بتحبها:D ؟؟
M.7aleem
04-Nov-2007, 06:28 PM
انا كنت هقول
كلام كتيييييييييييير
بس قولت اجيب من الاخر
انتى بتقولى وده سؤالك
بس خلونا في الواقع لو مراتك مش بتعرف تطبخ ؟؟ هتحبها:D ؟؟
انها خلاص بقت مراتى
يعنى انا اللى اخترتها
واكيد عرفت السلبيات والاجابيات
اللى فيها
فمش هتفرق بقى اذا
كانت بتعرف تطبخ ولا لا
اى نعم هتمرمطنى معاها
وهطلع عينى
بس بقولك ايه
يا ايه
هو اسبوع واحد مع الحاجه
ام مصطفى
وهتعمل برامج فى التليفزيون
وهتغطى على الشيف اسامه اطيب
:D
وشكرا على المواضيع
اللى بتحرج دى
وتابعى موضوعى القادم
هيعجبك
وهو بعنوان
(كيف تكون زوج مثالى)
اخوكى فى الله
طارق فؤاد
05-Nov-2007, 01:41 AM
كلام موزون وصادق جداااا وسلملنا علي ام عبد الرحمن:D
صحيح هي بتعرف تطبخ:D ؟؟
الحمد لله بتعرف تطبخ جدا و ده مخليني تقريبا ما باكلش برة خالص
(على فكرة هي مش جنبي دلوقتي عشان ما حدش يقول انا خايف لا سمح الله...:D )
miss-aya
06-Nov-2007, 12:49 AM
انا كنت هقول

كلام كتيييييييييييير
بس قولت اجيب من الاخر
انتى بتقولى وده سؤالك
بس خلونا في الواقع لو مراتك مش بتعرف تطبخ ؟؟ هتحبها:D ؟؟
انها خلاص بقت مراتى
يعنى انا اللى اخترتها
واكيد عرفت السلبيات والاجابيات
اللى فيها
فمش هتفرق بقى اذا
كانت بتعرف تطبخ ولا لا
اى نعم هتمرمطنى معاها
وهطلع عينى
بس بقولك ايه
يا ايه
هو اسبوع واحد مع الحاجه
ام مصطفى
وهتعمل برامج فى التليفزيون
وهتغطى على الشيف اسامه اطيب
:D
وشكرا على المواضيع
اللى بتحرج دى
وتابعى موضوعى القادم
هيعجبك
وهو بعنوان
(كيف تكون زوج مثالى)

اخوكى فى الله





والله هو الموضوع عادي مفهوش احراج بس رائيك كويس جدا
ربنا يرزقك بالزوجه الصالحه اللي بتعرف تطبخ:D
وسلامنا للحاجه ام مصطفي ربنا يخليهالك:)
جزاك الله خيرا

الحمد لله بتعرف تطبخ جدا و ده مخليني تقريبا ما باكلش برة خالص
(على فكرة هي مش جنبي دلوقتي عشان ما حدش يقول انا خايف لا سمح الله...:D )





ممكن نختبر دا بنفسنا
يلا يا جماعه يوم الجمعه عزومه عن الاستاذ طارق
المدام هتطبخ:D وهنحكم:D
جزاك الله خير وربنا يخليهالك هي والاولاد
سلامنا ليها:)
محمد سعيد
09-Nov-2007, 02:45 AM
بصراحه انا رايى انى اقرب طريق لقلبى هو قلبها وايمانها واخلاقها واحترامها ليا وبعد كده الاكل انا منكرشى انى بحب الاكل بس برده مش خو المرتبه الاولى
miss-aya
10-Nov-2007, 04:48 AM
بصراحه انا رايى انى اقرب طريق لقلبى هو قلبها وايمانها واخلاقها واحترامها ليا وبعد كده الاكل انا منكرشى انى بحب الاكل بس برده مش خو المرتبه الاولى



كلام جميل
ولكن............
نفس السؤال اللي سئلته للاخوه
طيب لو مراتك مش بتعرف تطبخ هتعمل ايه؟؟
rasha
10-Nov-2007, 02:42 PM
السلام عليكم
آية بجد ما شاء الله لا قوة الا بالله مواضيعك بجد تحفة وانا بحبها جدا لان فيها نوع من الحوار والنقاش وده اسلوب جميل جدا انا عن نفسى بحبه ربنا يبارك فيكى يا رب
بالنسبة للرد على سؤالك بئا
والله يا آية لو الزوجة بتتقى الله فى زوجها وبتراعى ربنا فيه وبتحبه بجد والله لو طلب لبن العصفور هتجبهوله مش بس تتعلم تطبخله
وبجد ده مش مجرد كلام
Psycho
10-Nov-2007, 08:21 PM
انا شايف ان أقصر طريق للقلب هو انها تكون حنينه
الكلمه الطيبه يا جماعه ليها اكبر عامل فى تلاقى الزوجين و حبهم لبعض

بس هى تيجى الاول.....و انا هاتلككلها و هاقبل منها اى كلمه حلوه
bent_masrya
13-Nov-2007, 06:43 PM
بسم الله الرحمن الرحيم
موضوع جميل ياآيه وربنا يكرمك دايما
على فكره بجد بجد أقصر وأشق طريق لقلب جوزك معدته
للأسف كان نفسى الطريق ده يكون حب- عشّره-موده-كلمه
طيبه أى حاجه ماعادا الطبيخ لكن هى ديه الحقيقه وأنا عن
نفسى جوزى كل يوم يتصل بيا من الشغل ويقولى السؤال
المعتاد(أنتى عامله ايه على الغداء) ده بعد مايكون سأل نفس
السؤال ده الصبح قبل مايمشى وده ياجماعه بيحصل مع ان
جوزى مش أكول وأى شئ بيرضى بيه لكن لازم برضه يسأل

السؤال المعتاددددددددد ثم يأتى بعد ذلك الكلام الحلوووووووو
كل الرجاله كده هههههه
محمد سعيد
13-Nov-2007, 07:20 PM
لو مراتى مبتعرفشى تطبخ هههههههه هوديها عند اهلها تتعلم
ابو محمد
13-Nov-2007, 09:03 PM
بسم الله الرحمن الرحيم

لو ان زوجتي لا تجيد الطبخ سأعلمها!!
وسأبقى أحبها لأنني لم أشترط عليها عند الخطبة أن تجيد الطبخ
miss-aya
17-Nov-2007, 09:57 PM
السلام عليكم

آية بجد ما شاء الله لا قوة الا بالله مواضيعك بجد تحفة وانا بحبها جدا لان فيها نوع من الحوار والنقاش وده اسلوب جميل جدا انا عن نفسى بحبه ربنا يبارك فيكى يا رب
بالنسبة للرد على سؤالك بئا
والله يا آية لو الزوجة بتتقى الله فى زوجها وبتراعى ربنا فيه وبتحبه بجد والله لو طلب لبن العصفور هتجبهوله مش بس تتعلم تطبخله

وبجد ده مش مجرد كلام





والله كلامك صح يا رشا
فعلا لو زوجك حنين وبتقي الله فيكي
هتتعلمي كل حاجه عشان خاطره
ربنا يرزقك وايانا الزوج الصالح يارب
وربنا يكرمك علي مجاملتك الرقيقه عن موضوعاتي

جزيتي الجنه
miss-aya
17-Nov-2007, 10:02 PM
انا شايف ان أقصر طريق للقلب هو انها تكون حنينه
الكلمه الطيبه يا جماعه ليها اكبر عامل فى تلاقى الزوجين و حبهم لبعض

بس هى تيجى الاول.....و انا هاتلككلها و هاقبل منها اى كلمه حلوه


كلام جميل جداااا
ولكنننننننن عند الواقع بيبقي حاجه تانيه
الزوجه الصالحه بتكون حابه انها زي ما قالت رشا تجيب لبن العصفور لزوجها ولان من اهم اسلحة المرأه الكلمة لو فعلا فقدت لغه الحوار مع زوجها او ومعرفتش تاخذ قلبه بالكلام العذب هتبقي فشله جداااا


لكن عن الجد بقي لو فعلا مبتعرفش تطبخ او مش بتحب الطبيخ
هتفضل الكلمه الحلوه هي فقط الطريق الي قلب الرجل؟؟

سؤال يحير
هل فعلا التفاهم العام والكلام الحلو والعشره الطيبه تكفي
وله كلام الطبيخ؟؟:D
miss-aya
17-Nov-2007, 10:34 PM
بسم الله الرحمن الرحيم
موضوع جميل ياآيه وربنا يكرمك دايما
على فكره بجد بجد أقصر وأشق طريق لقلب جوزك معدته
للأسف كان نفسى الطريق ده يكون حب- عشّره-موده-كلمه
طيبه أى حاجه ماعادا الطبيخ لكن هى ديه الحقيقه وأنا عن
نفسى جوزى كل يوم يتصل بيا من الشغل ويقولى السؤال
المعتاد(أنتى عامله ايه على الغداء) ده بعد مايكون سأل نفس
السؤال ده الصبح قبل مايمشى وده ياجماعه بيحصل مع ان
جوزى مش أكول وأى شئ بيرضى بيه لكن لازم برضه يسأل

السؤال المعتاددددددددد ثم يأتى بعد ذلك الكلام الحلوووووووو
كل الرجاله كده هههههه





السلام عليكم
حبيبتي رانيا مبسوطه بمشاركتك جداااا
واساسا انتي باين عليكي ست بيت شطورة يعني اكيد واصله لقلبه ماشاء الله:D
ياااااسلام هو دا اللي انا بقوله انه قبل الزواج يكون راء الاخوه
زي ما فوق انه الكلمه الطيبه والموده والحب لكن بعد الزواج يبقي
اول حاجه هتطبخيلنا ايه النهارده يا حبيبتي:D
علي فكره هو مش غلط انه يسئل بس اللي فعلا يزعل انه دا يكون طريق القلب اني عشان اطلب منه طلب اعمله اكله متينه:D او عشان اسمع منه كلمه حلوه اكون عامله قبلها طبق حلوياااات:D

بس كويس يا رانيا انك نبهتيني لحكايه انه فعلا قلب الراجل في اكلة كويسة الحمد لله انا بعرف اطبخ بس اتعلميلي كام طبخة جديده غريبة كدا عشان لما اتجوز اضحك علي جوزي بيهم:D

جزاك الله خير علي مشاركتك
miss-aya
17-Nov-2007, 10:38 PM
لو مراتى مبتعرفشى تطبخ هههههههه هوديها عند اهلها تتعلم


مممممممممم
يبقي هتفضل عن اهلها علي طووول:D
جزاك الله خير بس ليه لازم تروح عن اهلها مينفعش تصبر عليها لما تتعلم في بيتها

اااااه شفتو يبقي فعلا اقصر طريق لقلب الراجل معدته:)
miss-aya
17-Nov-2007, 10:45 PM
بسم الله الرحمن الرحيم

لو ان زوجتي لا تجيد الطبخ سأعلمها!!
وسأبقى أحبها لأنني لم أشترط عليها عند الخطبة أن تجيد الطبخ




جزاك الله خير
فعلا حل جميل انك تعلمها... دون ان ينقص من حبها هذا شئ
بس هو لو انت اشترطت وهي قبلت الشروط والطبيخ معجبكش وهي رفضت التعلم
هل حياتكم الزوجية هتكون كدا علي خلاف كبير:confused: