لو بنتك بتعاكس هتعمل ايه؟؟

[miss-aya]

لا سؤال بجد مهم
لو بنت بتعاكس بتعاكس مش بتتعاكس
فاهمين الفرق يعني زمان كانت البنت من دول تقول اف الولاد مش مخليني في حالي
وكلام من دا


بس عمرك مشيت في الشارع وواحده بنت قالتلك يا عسل يالي ماشي
وله انت يا قمر بس بس

وانتي تبقي ماشيه مع اخوكي مثلا وله خطيبك والبنت تقوله سيبك من اللي ماشيه معاك دي انا احلي


بجد بيحصل واكتر من كدا كمان البنات بتشد الولد من القميص وتخبط فيه
زمااااااااااااان البنات بتتعاكس دلوقتي بتعاكس


ها عمرك حصل الموقف دا معاك؟
طيب لو بنتك عملت كدا هتعملي انتي فيها ايه؟؟


اعتقد اني ممكن اجيب بنتي من شعرها واربيها من اول وجديد لانها كدا تبقي سوري متربتش

مستنيه الاراء وحلول لو في

[semsem2008]

هو موضوع جميل للنقاش بس انا لو بنتى عملت كدة مااقدرش اقولها انتى لية عملتى كدة لان من الاول الغلط مش عليها هى عليا انا ووالدتها لاننا قصرنا فى تربيتها وفى تدينها ساعتها محدش هيقدر يقولها دةعيب ودة مش عيب وربنا يهديهم

[bent_masrya]

اولا بحمد ربنا انى معنديش بنات لكن لو كان عندى بنت زى اللى أنت بتحكى عنهم هافضل ابكى
على نفسى كتييييير لانى ماعرفتش اربيها وبعد كده لازم ادور على حل ممكن يكون تذكيرها
بعظم ما تفعله وان البنت لازم يكون عندها حياء ولونى اعتقد ان الجزاء من جنس العمل ولازم
لازم تكون مامتها عملت كده أو شئ من هذا القبيل علشان ربنا يخليها تشوف بنتها وقد نزع
عنها الحياء. ومن هذا الموضوع المهم اريد ان اوجه رساله لكل أم ان تتقى الله فى جميع افعالها
واقوالها لكى يعوضها الله خيرا فى اولادها ويقر عينيها برؤيتهم صالحين
وجزاكى الله كل خير لاثارة هذا الموضوع المهم جداااااااا

[miss-aya]

هو موضوع جميل للنقاش بس انا لو بنتى عملت كدة مااقدرش اقولها انتى لية عملتى كدة لان من الاول الغلط مش عليها هى عليا انا ووالدتها لاننا قصرنا فى تربيتها وفى تدينها ساعتها محدش هيقدر يقولها دةعيب ودة مش عيب وربنا يهديهم



الاخ الكريم
ساعاااات كتير جدا فعلا فعلا بتكون مربي بنتك احسن تربية
وبتتعامل معاها بيما يرضي الله لكن البنت يحصلها نكسه كدا
من شله اصحاب سؤء ويخلوها تعمل كدا

انا بشوف ان الحل لازم يكون عملي لو حصل كدا بمعني اني اقعد معاها وافهمها الغلط من الصح وساعتها يمكن تقتنع
جزاكم الله خيرا علي الرد

[miss-aya]

اولا بحمد ربنا انى معنديش بنات لكن لو كان عندى بنت زى اللى أنت بتحكى عنهم هافضل ابكى
على نفسى كتييييير لانى ماعرفتش اربيها وبعد كده لازم ادور على حل ممكن يكون تذكيرها
بعظم ما تفعله وان البنت لازم يكون عندها حياء ولونى اعتقد ان الجزاء من جنس العمل ولازم
لازم تكون مامتها عملت كده أو شئ من هذا القبيل علشان ربنا يخليها تشوف بنتها وقد نزع
عنها الحياء. ومن هذا الموضوع المهم اريد ان اوجه رساله لكل أم ان تتقى الله فى جميع افعالها
واقوالها لكى يعوضها الله خيرا فى اولادها ويقر عينيها برؤيتهم صالحين
وجزاكى الله كل خير لاثارة هذا الموضوع المهم جداااااااا



اختي الحبيبه
موقفك صح عارفه انا ليه عملت الموضوع دا
عشان انا زعلت وحزنت جداااااااااا لما شفت بنات بتعاكس
في الشارع كمان حاسيت انهم بنات محترمه الشكل محجبات لكن الشله بتكون فعلا محرضه علي الفساد دا

شكرا علي الرد

[محمد سعيد]

اولا اهنيكى على موضوعك ده وده مش جديد عليكى طبعا المواضيع الجامده واللى فعلا موجوده فى مجتمعنا فعلا
الموضوع ده زاد عن حده ده الواحد مبيعرفشى يمشى فى الشارع من المعاكسات :) ملهومشى اخوات ولاد دول هههههههههه ربنا يهدى البنات يارب والشباب ورائى فى الموضوع انه بجد اهتمام الاباء باولادهم قل جدا فين زمان لما كانو بيروحو يسالو فى المدرسه ويسالو عن اصحابهم ويحرمهم من الخروج والمصروف لو حد غلط دلوقتى مفيييييييييييييييييييييييييييييش يبقى وحش لو عمل كده كله سداح مداح ربنا يستر علينا ولا ولادنا

[mohamedmokbel]

والله الكلام اللى فى موضوع ده كله بيحصل0000 وانا شوفته بعنيه


بس مجاش فى بالى اسال نفس طيب ده لو كانت اختى او بنتى او اى حد من العائله 00000 انا هعمل ايه



وعلى فكره والله لسه ما اعرف انا هعمل ايه00000000000

سؤال صعب

شكرا يا اختى على هذا الموضوع الجميل00000000000000000000

[طارق فؤاد]

صدقوني هي لو بتخاف من ربنا ما كنتش تعمل كده أو هو يعمل كده.. مسألة بصراحة صعبة !!!الواحد كان بيفكر إزاي يقلل معاكسات الشباب للفتيات لكن العكس !!!! سبحانك يارب.. (إذا لم لم تستح فاصنع ما شئت)

[رباب:: سحابة ود]

افتكاساااااااااااااااااااااااتك يا آية
فين ياختي ده
لا اله الا الله
طيب انا عاوزة اتفرج اصل مشفتش كده
ابقي خديني وسط البلد اتفرج
ماهو يظهر هناك بقي مسرح الاحداث
مااااااااااااااااااا علينا
هعمل ايه لو بنتي
هجيبها من شعرها واولع فيها
واجيبها من شعرها تاني واموتها منفجرين
واجيبها من شعرها تالت واخبط علي جيرانا
اللي في السطح يعني الدور ال 11 مثلا
وارميها من عندهم
وحالتي هتبقي عاملة كده
http://smileys.smileycentral.com/cat/4/4_1_219.gif (http://www.smileycentral.com/?partner=ZSzeb001_ZNxmk996INEG) http://smileys.smileycentral.com/cat/36/36_1_4.gif (http://www.smileycentral.com/?partner=ZSzeb001_ZNxmk996INEG)

http://smileys.smileycentral.com/cat/36/36_11_23.gif (http://www.smileycentral.com/?partner=ZSzeb001_ZNxmk996INEG) http://smileys.smileycentral.com/cat/36/36_1_29.gif (http://www.smileycentral.com/?partner=ZSzeb001_ZNxmk996INEG)

ولا حول ولا قوة الا بالله العلي العظيم
نتكلم جد بقي

طبعا لان كل حاجة ليها اساس
فهرجع واشوف يا تري لما وافقت علي ابوها
اخترته من بين الخلق الكتير ليه
يا تري اخترت الصلاح والتقوي والنفس اللي تابت
عن المعاصي بجد بجد
وخصوصا معاكسة بنات الناس والمشي معاهم
وانتهاك حرمة البيوت
اصل يا جماعة انا قريت حديث لا اعلم مدي صحته
او اسناده ولكنه ما معناه
انه من زني يزني ولو بجدار بيته
وطبعا كلكم عارفين
داين تدان
يعني لاااااااااااااااااااااازم التقي الصالح
اللي علي الاقل يكون بيصلي الفروض
واهو نشجع بعض في النوافل

طيب اذا اخترت صح وعملت اللي عليا انا وابوها
وزرعت فيها الحياء
يمكن في سن المراهقة تشرد مني شوية
بس الاكيد هترجع لي تاني
عشان انا زرعت نبتة صالحة في مكان صالح في جو نضيف

نعمل ايه بقي في السن ده
هي بتعاكس صح
طيب نشوف كده هتقولي ايه وهقولها ايه





http://www.smileycentral.com/sig.jsp?pc=ZSzeb114&pp=ZNxmk996INEG (http://smiley.smileycentral.com/download/index.jhtml?partner=ZSzeb114_ZNxmk996INEG&utm_id=7922)

[رباب:: سحابة ود]

الام : ازيك يا ريري عاملة ايه يا حبيبة ماما

ريري : الحمد لله يا قمري تمام .. تعالي يا مامتي
نرغي شوية سوا

الام: اه والله يا ريري قعدتك وحشتني يا ختي

ريري : هههههههههه عسل يا ماما .. كاننا علي مسطبة ام خيري

الام (وكانها غضبانة) : خيري مين .. انتي بتحبي عليه
خيااااااااااااااااااااانة .. هاتو السيااااااااااااف

ريري : ههههههههههههههههههههههههههههه
هههههههههههههههههههههه .. عسل مش ممكن
فظيعة يا ماما .. ايه يا فوزية ده
ابويا ده حظه من السما

الام : وهي بتضحك بس يا بنت .. اسكتيييييييييييييييي

ريري : ها

الام : مش انا كنت النهاردة في وسط البلد مع طنطك كوثر

امتقع لون البنت وجابت الوان
لم تلتفت الام وكملت كلامها عادي

وشفتك يا ريري كنتي مع صاحبتك دي اللي اسمها
سوزي

ريري بتردد : اه يا ماما .. كنا كنا بنتفرج علي المحلات شوية
بعد الدرس
يعني كنا زهقانين وقلنا نتمشي شوية

الام : وماله يا قلب ماما بس برده مش انا قلت لك تطمنيني عليكي
وانا يعني همنعك ما انتي بتخرجي عادي

ريري (وهي تتنفس من جديد) : شكرا يا مامتي
وبعد كده هتصل بيكي واطمنك

الام (بذكاء ) : وكانها هتقوليها سر .. بس تعالي هنا يا بنت
انتي وانا واقفة مع طنك كوثر بضرب بعيني كده
لمحتك يا مفعوصة انتي بتعاكسي واد حليوة ومتعايق
من امتي يا ختي الجراءة دي

ريري اتلجلجت ومبقتشي عارفة تنطق

الام : بابتسامة بقولك ايه انا عاوزة اجرب

ريري باستغراب : تجربي ايه يا ماما

الام : اعاكس زيك اصل ياختي انا كنت قاعدة في بيت ابويا زي الطوبة كده وجه ابوكي خدني من الدار للدار برده

ريري (بتعجب شديد ) : انتي بتقولي ايه يا ماما

خلوا بالكو البنت مستغربة وحاسة بشيء غلط
بدات تشوف الصورة بشكل مختلف
البنت متربية صح في بيئة صح
يعني حتي وهي بتقلد لسه جواها احساس بالعيب
ولسه جواها تقدير لامها وابوها
يعني حتي لو اتصرفت تصرف مش محترم
عمرها ما تتصور ان الام او الام ممكن يعملوا ده
وجواها دايما احساس بان في شيء غلط في اللي
بتعمله
وهو ده اللي هيرجعها لحياة الصالحات من جديد

المناقشة بعد كده هتمشي باستغراب البنت واستنكارها
ودفاع الام عن وجهة نظر المفروض البنت هي اللي تدافع
لكن الام هتعكس الصورة وهتدافع عن الغلط
وهتبدا البنت تدافع عن الصح والحلال
وبعد المناقشة دي
هتسيب الام بنتها يومين تلاتة
واكيد البنت هتشوف الصورة صح وتفتكر كلامها لامها
وهتكون النصيحة من نفسها لنفسها
وهتنكسر قاعدة الممنوع مرغوب
لان القمع والمنع مش من سلطة اعلي

ربنا يهدينا جميعا يارب ويرزقنا نعمة الحياء
ويرزقنا الازواج الصالحين والذرية الصالحة

[نور الاسلام]

والله الموضوع حصل لي انا اكثر من مرة
بس مش معاكسة بالمعني المفهوم
والله انا في راي انا عملت كل بنت او مرائة تقابلك ان هذه المرة اختك او في يوم من الايام ممكن تكون زوجتك
الحياه والمعاكسات كلها هتخلص خالص لاني الانسان عايز الحاجة بتعته تكون جديدة لنج يعني علي الفرازة زي ما بيقولوا ولا انا غلطان في راي
نور الاسلام

[Psycho]

ههههههههههههه
كلام رباب ممتااااااااااااز

و الله حل جميل جدا
منطقى طحن يعنى
قلبت الدور و خلت البنت تشوف الموضوع من بره
من غير ما تكون هى فيه
و بكده خلتها تشوفه بعين كل اللى بيشوفها وبيحكم عليها

و طبعا لما لقت الموضوع اثار اشمئزازها و سخطها
حست ان ده حكم كل اللى بيشوفها بتعمل كده
و ده اللى هايخليها ترجع عن اللى هى بتعمله
عشان خاطر نظرة الناس ليها

بس كده بقى لسه فى نقطه صغيره

و هى ان الأم المفروض انها تقعد معاها بعد ما تتأكد انها خلاص مبتعملش الموضوع ده
عشان تفهمها ازاى الموضوع ده حرام
و الاساس فى ان الواحد يسيبه هو طاعة ربنا وحده
يعنى عشان ربنا فى الاول والاخر مش عشان الناس

و بكده يكون الكلام وصل صح
و الحلقه اكتملت عند البنت
سابت الموضوع
و عرفت ان ده فى طاعة الله

جزاكى الله كل خير يا رباب
و رزقنا واياكم جميعا الزوجه والزوح الصالحين
و الذريه الصالحه التى تشفع لنا
اللهم اميـــــــــــــــــــن

[M.7aleem]

مشكوووووووووووووووووووووووره يا ايه
على الموضوع الجميل
ومشكووووووووووووووووووووووره يا رباب
على المشاركه الجميله
وبجد انا معرفش انا هعمل ايه
ساعتها(لما الاقى بنتى بتعاكس)
لانى ساعتها هتصرف بالفطره اللى انا اتربيت عليها
و لو قلت غير كده يبقى بكذب
جزاكم الله خيرا
بجد موضوع يستاهل
المناقشه

[رباب:: سحابة ود]

متشكرة يا بشمهندس توفيق
طبعا معاك حق عشان تكتمل الحلقة اكيد
لازم الام تتكلم مع بنتها تاني عشان تصحح وتظبط امور مهمة
تمام يا بشمهندس .. اثبت ان الهندسة تمام وشغالين
بس يارب يتخرجوا ونشوف جاتون ولا بيبس لزوم الشهدة والمساريع بتاعتكو
وجزاك الله كل الخير اخي

******************

جزاك الله خيرا اخ مصطفي
بس زي ما قلت اهم شيء هو الاختيار الصح
علي اساس سليم لللام ولللاب
وبكده هنضمن حتي في الموقف الصعبة دي ازاي هنتصرف
لاننا اصلا بدينا صح وعلي اساس يرضي ربنا
يبقي لازم نعرف ان ربنا مش ممكن يضيعنا
ربنا مش بيضيع عباده ابدا

[miss-aya]

جزاكم الله خيرا كلكم من اول البشمهندس محمد سعيد لغايه رباب وكلاماتها ودريم بارك بتاعتها المعتاده
ومن الواضح اننا جميعا اتفقنا علي انها قلت تربية مع قله دين مع كتيررر قله حياء واتقفنا كلنا علي مبادي الفطره في التعامل ومن بعده الحوارررر


جميل جداااااااااااا بارك الله فيكم
ويارب محدش لا يتحط في الموقف دا لا بنته ولا يكون الشاب فريسة المعاكسه

جزيتم الجنه

[احمد طارق]

جاكي الله خيرا وانا لو كان عندي بنت مثل هاذة بتعمل كل دة انا كنت طرطها من البيت