المساعد الشخصي الرقمي

مشاهدة النسخة كاملة : زدني وزادك وزادنا كلنااااااااا

miss-aya
23-Oct-2007, 10:47 AM
المكان جامع رابعه العدويه في مدينه نصر

الزمان اخر شهر اكتوبر علي 27 كدا

الحدث بدايه دورات فريق زدني للتنميه البشرية


طيب انتي عايزه ايه دلوقتي؟؟

بجد كانت مجرد فكره انا عايزه اروح زدني واخد دوره فكره كدا
وانتهت بفعل انا حاليا سجلت في الدوره دوراته بجد رائعه

ونصيحه ليكم اللي يقدر يروح وياخدها يروح
وان شاء الله مع كل اسبوع هتكلم عن حاجه جديده في الدورات


اللي بنتقسم الي
دوره تواصل كيف تتعامل مع الناس
بيتنا ازاي تختار صح شريك حياتك
اعمال ازاي تقدر تشتغل في مجال وتكون متفوق
تنميه قدراتك الشخصيه
تنميه ابداعاتك
وغيرررها كتيررررررررررررررررررررررررررر


وللحديث بقيه مدام في العمر بقيه
جزاكم الله خيرا
M.7aleem
28-Oct-2007, 05:12 AM
وانا مستنى
جزاكى الله خيرا
يا ايه
واسف على التاخير فى الرد
miss-aya
28-Oct-2007, 06:08 PM
والله حضرتك رافع معنوياتي بمشاركتك في المواضيع اللي محدش بيفتح اصلالالا
المهم بجد بجد كورس زدني جميل كان اول يوم ليا السبت اللي فات حاسيت بجد اني استفدت وبشده
من مبادي التواصل مع الناس في حاجات كتر كنت فاهماها غلط وظبطها مع اول يوم في الكورس

فما بالكم بباقي الكورس
في انماط من الناس كنت بتعامل معاها غلط وان شاء الله هحاول اصلح الغلط دابالتعامل بطريقه سليمه

جزاكم الله خير ومع اول جديد ليا مشاركه
M.7aleem
28-Oct-2007, 07:42 PM
لا والله يا ايه
مواضيعك جميله
ويكفى اننا محتاجين المواضيع دى فى حياتنا

بس الاهم من كده

اننا مستنين
اختصار للدوره
يعنى
تحاولى تلمى الدوره فى موضوع
صغير
معلش بقى احنا طماعين
miss-aya
29-Oct-2007, 07:01 AM
باذن الله ما ثاني او ثالث يوم من الكورس هلخص الموضوع كله
يمكن حد يروح واخد حسنات ربنا يكرمكم

جزاك الله خيرا
نور الاسلام
13-Nov-2007, 01:31 PM
اريد المذيد من المعلومات بارك الله فيكم
يمكن ربنا يريد ونلتحق
miss-aya
17-Nov-2007, 11:45 PM
الكورس رائع يا جماعه
انتظروني بليل ان شاء الله هحطلكم معلومات جديده

ومفيده جدا
بارك الله فيكم
M.7aleem
18-Nov-2007, 01:46 AM
وانا واحد من الناس مستنى
miss-aya
19-Nov-2007, 04:27 AM
هعملكم فكرةة مختصرة عن موضوع الكورس عشان اللي حابب يروح ياخده في الشتا القادم
الكورس بمبلغ بسيط وهو 50 جنيه وبصراحه مفيد فعلا الكورس فيه كذا فرع وانا اختارت فرع تواصل

التواصل بيني وبين الناس وذكائي العاطفي وبنك العاطفه عندي
وازاي ممكن اكون فاهمه الناس غلط وهم فاهميني غلط واحنا الاثنين بنتكلم صح

الكورس بداء مع مبادي التواصل وازاي اكون تواصل جيد مع اخواتي اهلي زوجي وفي عملي
ازاي ممكن اكسب الناس وفي نفس الوقت من غير ما اخسر شخصيتي


دول اول محاضرتين ازاي ممكن اتواصل مع الناس وازاي ازود رصيدي معاهم


المحاضره ال3 و4
بتتكلم عن الذكاء العاطفي ازاي ممكن اتتحكم في مشاعري وانفعلاتي ازاي ممكن اتعامل مع مشاعري الايجابيه والسلبيه واطلعها في الوقت المناسب مع الشخص المناسب في المكان المناسب بالدرجه المناسبه


ولسه فاضل محاضرتين
المحاضره الجايه هتتكلم عن طبيعة العلاقه بين الرجل والمرأه وازاي كل حد يعرف يتعامل مع الاخر
وايه هي مفتايح كل واحد علي فكره المحاضره الجايه مجانا ومفتوحة للجميع واللي يحب يحضر

هي في جامع رابعه العدويه في مدينه نصر
في قاعه 3 الساعه 4 بالظبط
المحاضره دي بالتحديد اهم محاضره في فن التواصل وهتكون مفتوحه ومجانا


ان شاء الله هنزل ارقام تلفونات زدني وكمان الويب سايت
وهكلمكم اكتر عن اول محاضرتين االي هم مبادي التواصل


بس اعذروني اسلوبي لسه بسيط وعلي قدي دي اول خطوه في التنمية البشريه
لسه المشوار طووويل


جزاكم الله الجنه
M.7aleem
19-Nov-2007, 04:47 AM
وجزاكى وسائر المسلمين يا مس ايه

ان شاء الله هنزل ارقام تلفونات زدني وكمان الويب سايت
وهكلمكم اكتر عن اول محاضرتين االي هم مبادي التواصل

اه
انا قولت ان دى استحاله تكون المحاضره
الاولى والتانيه يعنى
مره واحده وانا بقراء فكره المحاضره
لقيتك بتقولى ودول اول محاضرتين
وبالنسبه للاسلوب
اسلوب جميل والله بس انتى كملى بقى
شوقتينا للمحاضرات
لان موضوعها جميل جدا جدا
منتظرينك يا اخت ايه
تقبل الله منا ومنك صالح الاعمال
bent_masrya
19-Nov-2007, 05:31 PM
شكلها كده دوره جميلة وانا اكتر واحده كنت محتجاها لكى اتواصل مع اولادى بطريقة صحيحه
بدل التواصل بالضرب وشد الشعر هههههه لكن بعد المسافة مش هيخلينى اقدر اروح وعموما
الميس بتعاتنا هتشرحلنا كل حاجه وأنا بالاخص منتظره كتابتك عن المحاضرات علشان استفيد
بارك الله فيك وجزانا وجزاك الفردوس الاعلى
محمد سعيد
03-Apr-2008, 10:09 AM
http://img265.imageshack.us/img265/1614/ssaadm3.gif

والله جزاكى الله خير الجزاء ومحتاجين كتير من الدروس دى ومواضيعك كلها طبعا تحفه وبنستفيد منها اكيد
miss-aya
13-Apr-2008, 12:22 PM
ربنا يحفظكم جميعا اسفه علي التقصير
بس والله غصب عني ربنا يكرم واحاول احط الدروس
جزاكم الله الجنه