المساعد الشخصي الرقمي

مشاهدة النسخة كاملة : من انت؟

miss-aya
22-Oct-2007, 03:07 PM
لما تكون في بيت وفي ناس معاك بتبقي حابب تتعرف علي اهل البيت
وعشان كدا موضوعي تعارفي بحت يمكن من خلاله نعرف كلنا بنحلم بايه

وعلي الساده الاعضاء الاجابه علي التالي
اسمك؟
سنك؟(طبعا البنات بتقف عن ال18 سنه ومش بتكبر:D )

عملك او دراستك؟
وسبب اختيارك ليهم؟

حلمك القادم وما تراه في حياتك القادمه وتخطط ليه؟
اكتر موضوع يشغل بالك في حياتك كلها؟
وموضوع يشغل بالك حاليا؟

كلمة او نصيحه لا تنساها ابدا؟

دلوقتي حاااااااااااااااااااااالا بتفكر في ايه؟؟
M.7aleem
28-Oct-2007, 05:15 AM
احم احم
ايه الاحراج ده
طب انا مستنى حد يدخل ويشجعنى
شكرا اختى فى الله على الموضوع
ويارب حد يدخل
miss-aya
28-Oct-2007, 05:58 PM
<TABLE class=tborder cellSpacing=0 borderColorDark=#ffffff cellPadding=6 width="100%" align=center borderColorLight=#4d4109 border=1><TBODY><TR><TD class=tcat colSpan=2>قرأو الموضوع :- 6 </TD></TR><TBODY id=collapseobj_thread_readers><TR><TD class=alt1 colSpan=2>bent_masrya (http://www.da3y2allah.com/vb/member.php?u=62), M.7aleem (http://www.da3y2allah.com/vb/member.php?u=34), miss-aya (http://www.da3y2allah.com/vb/member.php?u=9), mohamedmokbel (http://www.da3y2allah.com/vb/member.php?u=60), Psycho (http://www.da3y2allah.com/vb/member.php?u=29)*, طارق فؤاد (http://www.da3y2allah.com/vb/member.php?u=3) </TD></TR></TBODY></TABLE>


ايه دا كل دا دخل ومحدش شارك عييييييييييييييب عليكم

الاخ الفاضل انا هبداء واشجعكم
بسم الله
miss-aya
28-Oct-2007, 06:04 PM
اسمك؟
آية
سنك؟
22

عملك او دراستك؟
الحمد لله حاصله وبلا فخر
علي ليسانس اداب وتربية كلية التربية جامعه عين شمس
للاسف قسم انجليزي
وسبب اختيارك ليهم؟
بابا (ربنا يمسيه بالخير)
هو اللي نايمني مغناطيسي لغايه لما دخلت الكليه
دي اقول ايه بقي الحمد لله

حلمك القادم وما تراه في حياتك القادمه وتخطط ليه؟
بحلم اكون حاجه مؤثره في النهضه
لبلدي نفسي اموت وليا ذكري كويسه
اولاد ربتهم كويس بيت اسلامي مابني علي طاعه بجد
بجد نفسي اطلع صلاح الدين نفففففففففففسي
اكتر موضوع يشغل بالك في حياتك كلها؟
ازاي ممكن اكون ناجحه في العمل الخيري
يعني اعمل اكبر قدر ممكن من الاعمال الخيريه المختلفه
وموضوع يشغل بالك حاليا؟
ازاي ممكن افهم اللي حواليا اني مش عايزه اشتغل
بجد تعبوني من كتر لازم تشغلي لازم تشتغلي

كلمة او نصيحه لا تنساها ابدا؟
لا تنهي عن خلق وتاني بمثله عار عليك ان فعلت كبيررر


دلوقتي حاااااااااااااااااااااالا بتفكر في ايه؟؟

مين الغلسه اللي حطت الموضوع دا
بصراحه ليكم حق محدش يشارك:mad:
جزاكم الله خيرا
M.7aleem
28-Oct-2007, 07:38 PM
اسمك؟

مصطفى

سنك؟
23

عملك او دراستك؟

خريج الجامعة العمالية
واعمل بالهيئه العربيه للتصنيع

وسبب اختيارك ليهم؟

لو على الدراسه فانا بحب المجال دا
ولو على العمل فدى بقى بتاعة ربنا

حلمك القادم وما تراه في حياتك القادمه وتخطط ليه؟


( النجاح فى كل شىء)


اكتر موضوع يشغل بالك في حياتك كلها؟

هو حلم
لم شمل المسلمين


وموضوع يشغل بالك حاليا؟


الاقى شغل مناسب

و جزء (خاص بى)



كلمة او نصيحه لا تنساها ابدا؟

قد يتحول كل شىء
ضدك ويبقى الله معك
فكن مع الله
يبقى كل شىء معك





دلوقتي حاااااااااااااااااااااالا بتفكر في ايه؟؟

حالا حالا
وبدون كدب
اقوم اخد دش

جزاكى الله خيرا
<!-- / message -->
miss-aya
29-Oct-2007, 07:03 AM
الاخ مصطفي ربنا يباركلك
ها يا جماعه مفيش حد ناوي ؟؟ فكررررو كدا؟؟
رباب:: سحابة ود
02-Nov-2007, 12:29 PM
:) الاسم

رباب
ومعناه سحاب ابيض
دي معلومة ع الماشي كده
عشان نثقف صاحبة الموضوع ونمحي اميتها

:) السن
النهاردة ولا اول امبارح :p
28
هتمهم كمان شهر تقريبا



:) الدراسة
بكالوريوس تجارة
وليسانس اداب ترجمة انجليش
معلش نصيبي بقي روحت اخدت شهادتين
ما علينا



:) سبب الاختيار
التجارة مكنتشي اختياري ولكن مكنشي في منها مفر
لاني كنت ثانوي تجاري ونجحت بمجموع
وبفضل الله دخلت معهد التعاون واخدت البكالوريوس
وربنا يبارك لي في ابويا انه اختار لي السكة دي
لانها كانت الانسب لمستوايا الدراسي
يعني في الاخر برده اخدت مؤهل عالي
كل الطرق تؤدي الي روما

الاداب بقي كانت لاني بحب اللغات وكنت شاطرة فيها
ولقيت فرصة الجامعة المفتوحة اني اخيرا
ادرس شيء بحبه
ودرست وخلصت وبفضل الله جبت تقدير كويس
وده يعرفكم اد ايه بتنح قدام الرياضة والحساب والعك ده






:) حلمي بسيط جدا
اشتغل في مجال الترجمة وانفع نفسي والاسلام

واكون زوجة صالحة لزوج صالح تقي وام صالحة لذرية صالحة

ونفسي اعرف اختار لولادي خط كويس للتعليم يجمع
بين اللغات والدين ويتاسسوا كويس في الاتنين

ونفسي في مودة تجمعني بزوجي اللي لسه في الغيب
كانهار نبع صافي لا ينضب ابداااااااااااااااااااااااااا
واشوف نفسي في الاخر واسرتي الجميلة
في قصر جنب قصر النبي صلي الله عليه وسلم
وافتح الصبح اشوف سيدنا ابو بكر
واسلم علي سيدنا عمر بن الخطاب
وافطر علي مائدة النبي عليه الصلاة والسلام
وبيننا من استحت منه الملائكة سيدنا عثمان بن عفان




:) ما يشغل بالي
يا تري هعرف اكون الام والزوجة اللي بتمناها
وياتري هعرف انال شرف اني اكون شهيدة
او اربي شهداء
او يكون في ذريتي شهداء
يااااااااااااااااااااااارب



:) ما يشغلني حاليا

رايحة اقدم في شغل ومكان بعيد معرفوش اوي
ربنا يستر واعرف اوصل

وصاحبة الموضوع وحشتني من امبارح
مدخلتشي نت
نفسي اقولها بطلي اللجوء ده



:) النصيحة
هي مش نصيحة محددة
لكن حاليا حديث قدسي
انا عند ظن عبدي بي
بترجعني من ياسي وبتحي جوايا الامل وتفكرني
بيقيني في الله
وان لي رب كريم .. اجود الاجودين
وعامة بحب اوي اسم الله الرحمن
وبستعمله في كلامي
يعني احب اقول بمشية الرحمن
او باذن الرحمن اكتر ما اقول
ان شاء الله :)





:) حالا حالا
بفكر في اني رغيت كتييييييييييييير اوي
وزمانكم صدعتو
وعندي سؤال انتو ليه مش بتشاركو
يللا عاوزين نتعرف علي بعض ونؤكد معاني الاخوة في الله
rasha
02-Nov-2007, 01:31 PM
السلام عليكم ورحمة الله وبركاته
جزاكى الله خيراااااااااااا انا بحب جدا المواضيع الجديدة والغريبة
عشان كده هشترك معاكوا ان شاء الله
اسمك؟
رشا عصام الدرينى


سنك؟
25

عملك او دراستك؟

بكالريوس تربية نوعية قسم فنون
وبشتغل مدرسة تربية فنية حاليا

وسبب اختيارك ليهم؟
كلام فى سررك يعنى دا كان اختيار ربنا يعنى مش حكاية هواية ولا حاجة

حلمك القادم وما تراه في حياتك القادمه وتخطط ليه؟
هو بصراحة اكتر من حلم مش حلم واحد
نفسى اخد كورس جرافيك ولانى بحب افلام الكارتون جدااااااااا نفسى اعمل حاجة لاطفال المسلمين لان هما دول اللى ان شاء الله هيحرروا الاقصى وينصروا الاسلام
ونفسى اكون محفظة قران كريم للاطفال
وربنا يرزقنى الزوج الصالح والذرية الصالحة
واساعده ويساعدنى نقرب من ربنا ونبنى بيت مسلم ونربى اولادنا التربية الاسلامية اللى اتحرمنا منها
واخيرا ندخل الجنة ماسكين ايد بعض

اكتر موضوع يشغل بالك في حياتك كلها؟
علاقتى بربى
وموضوع يشغل بالك حاليا؟
لما الموضوع يتم ان شاء الله هقولك

كلمة او نصيحه لا تنساها ابدا؟
لكل قلب اذا حب اسرار...وكل حب لغير الله ينهار
never say never

دلوقتي حاااااااااااااااااااااالا بتفكر في ايه؟؟
انى عايزة اقولك
اشهد الله انى احبك فى الله بجد وربنا يجمعنا على طاعته فى الدنيا والاخرة

<!-- / message -->
نور الاسلام
10-Nov-2007, 01:54 PM
السلام عليكم ورحمة الله وبركاته

اسمك؟
Ahmed Mohamed Nasr

سنك؟
عايش من شوية سنين

عملك او دراستك؟
اصول دين ودعوة اسلامية
وسبب اختيارك ليهم؟
كنت احب تفسير القران ومعرفة كل احداث القران من اسباب النزول وكله

حلمك القادم وما تراه في حياتك القادمه وتخطط ليه؟
ان اكون داعية اسلامي
واكمل واجيد الجرافيك واساعد وادعي الي الاسلام من خلاله

اكتر موضوع يشغل بالك في حياتك كلها؟
المسلمين وحالنا في هذه الايام

وموضوع يشغل بالك حاليا؟

الدراسة وكيف انجح بتقدديرات كويسة



كلمة او نصيحه لا تنساها ابدا؟
خليك مع القران لانك معها ستكون سيدا في الدنيا والاخرة


دلوقتي حاااااااااااااااااااااالا بتفكر في ايه؟؟
بفكر اني الناس عندي في البيت هيغدونا النهاردة ولا لا
هههههههههههههههههههههههه
موضوع جميل
يامس اية
وان شاء الله ننتظر مذيد من ابداعاتك
دمتم بـــــــــــــــــــود
في حفظ الرحمن
نور الاسلام

<!-- / message -->
bent_masrya
11-Nov-2007, 09:59 AM
اسمك؟
رانيا سعيد
سنك؟
29


عملك او دراستك؟ ليسانس آداب -قسم اجتماع - جامعة عين شمس
ولا احب العمل المقيد بل احب العمل الحر

وسبب اختيارك ليهم؟
حبى الشديد للكلية ولكل ماهو أدبى حتى الادب بحبه كمان هههههه
لكن حصلتلى حكايه ساعة التنسيق تبين قدرة الله لما جبت ورق
التنسيق كتبت فى الرغبات الاولى كل كليات آداب ثم كليات تربية
ولكن لما ماما عرفت صممت اغير الورق ده واجيب ورق تانى
واكتب فيه كل كليات تربية الاول لان مجموعى يجيبها ولانها
بتحب الكليه ده بالاخص ولكن شاء الله ياجماعه ان تأتى لى
كلية الآداب حتى بعد كتابة كليات التربية فى الاول وهذة هى
قدرة الله

حلمك القادم وما تراه في حياتك القادمه وتخطط ليه؟
اولا احفظ القرآن أنا واولادى ثم اعمل مشروع
تجارى يدر على ارباح وفيره انفق معظمها
على اعمال الخير
اكتر موضوع يشغل بالك في حياتك كلها؟
ياترى ربنا هيقبل حسناتى القليله ويدخلنى بيها
الفردوس الاعلى مع حبيبى رسول الله

وموضوع يشغل بالك حاليا؟
بدور على شيخ جيد لتحفيظ اولادى القرآن
وعلى فكره الموضوع ده صعب جداااااااا

كلمة او نصيحه لا تنساها ابدا؟
البر أمر هين وجه طلق ولسان لين
دلوقتي حاااااااااااااااااااااالا بتفكر في ايه؟؟
بفكر انى فعلا بحبكوا فى الله واتمنى اشوفكوا
واتعرف عليكم كلكم فى الجنة إن شاء الله
miss-aya
11-Nov-2007, 11:50 PM
انا سيباكم تفضفضو
ومستمتعه والله بكلامكم
كلكم ما شاء الله

حابه ارحب برباب ورانيا ورشا وبقولكم بحبكم في الله اووووووووووووووي

والاخوه الافاضل مصطفي واحمد جزاكم الله خيرا


ومنتظرين الباقي في ناس لسه مدخلتش الموضوع حتي:mad:


جزاكم الله خيرا:D
محمد سعيد
13-Nov-2007, 08:38 AM
اسمك؟
محمد سعيد شندى

سنك؟
24 سنه


عملك او دراستك؟
انا دلوقتى فى بكالوريوس هندسه - قسم ميكانيكا قوى

وسبب اختيارك ليهم؟
سبب اختيارى للهندسه هى امى كان حلمها اكون مهندس ومازال طبعا وبامانه بينى وبينكو انا اتمرمطت شويه لما دخلتها بس الحمد لله اتعدلت وابتديت افوق بعد شويه لما دخلتها

حلمك القادم وما تراه في حياتك القادمه وتخطط ليه؟
انى ابتدى حياتى صح فى شغل كويس واعيش حياة كريمه
كل ده مع برده نفسى اقرب من ربنا اووووووووووى

اكتر موضوع يشغل بالك في حياتك كلها؟
ربنا طبعا وبعدين مستقبلى وحياتى وبعدين الزوجه الصالحه اللى هتقدرنى على تحقيق دول كلهم

وموضوع يشغل بالك حاليا؟
ورايا امتحان يوم السبت ادعووووووولى بقى هو ده اللى شاغلنى دلوقتى


كلمة او نصيحه لا تنساها ابدا؟
ان الواحد لو ماشى فى طريق عمرة ما بيشوف ناس الا اللى ماشيين فى الطريق بتاعه ولو عايز الناس الكويسه بجد والمتدينه يبقى لازم تمشى فى طريقهم


دلوقتي حاااااااااااااااااااااالا بتفكر في ايه؟؟
هسرح شعرى علشان نازل الكليه عندى محاضرة الساعه 9 محاضرة محركات احتراق داخلى :D
ثانيا نفسى اقرب من ربنا اووووووووووووووووى

والى اللقاء فى الحلقه القادمه مع مذيعكم المحبوب محمد سعيد
ابقو معنا بعد الفاصل
<!-- / message -->
نور الاسلام
13-Nov-2007, 01:19 PM
اخيرا ياتي المايسترو
تشرفنا يا استاذ محمد بعد المعلومات الطيبة الي ابحت بيهالنا
وربنا يوفقك في الامتحان وتجتازة بنجاح
rasha
13-Nov-2007, 09:47 PM
السلام عليكم ورحمة الله وبركاته
انا اسفة لتطفلى يا رانيا بس قرات فى الحجات اللى كتباها انك بدورى على محفظ لاحمد واسامة
اسمحيلى انى اساعدك ده موقع كويس جدا ان شاء الله هتلاقى فيه اسماء محفظين فرديين وكمان تابعين لدار او مسجد او مؤسسات خيرية لتحفيظ القران
http://www.ahlelquran.com/Quran_search.asp?id=10

ربنا يحققلك حلمك يا رب
ويبارك فيكى وفى ذريتك
bent_masrya
14-Nov-2007, 08:26 AM
أختى رشا بارك الله فيك أنا فعلا فرحانه جدا جدا لانى لاقيت الموقع ده ومن خلاله سوف أجد
إن شاء الله ماأريد أنا بجد بحبكوا في الله ويارب يكون ليكى أجر في الموضوع ده مثلما قال
الحبيب(الدال على الخير كفاعله)جزيت خيرا
rasha
14-Nov-2007, 06:57 PM
جزانا واياكى
واحبك الذى احببتينى فيه
اللهم اجعلنا ممن تظلهم بظل عرشك يوم لا ظل الا ظلك
miss-aya
17-Nov-2007, 11:43 PM
اولا حابه ارحب بالبشمهندس محمد اخبار امتحان النهارده ايه؟؟
ربنا يوفقك في الامتحانات وفي كل احلامك


ثانيا والله والله انا مبسسووووووطه جداااااااا
عشان كلنا بدائنا نعرف بعض وكمان الاخوه الصادقه في الله
حاسه بمنتهي الصراحه اني ليا حسنة كدا علي الماشي لما
رانيا قالت علي المحفظين ورشا ردت عليها حاسه اني اخدت
حسنه كدا غلاسه ههههه

ربنا يحفظكم
احبكم في الله
اسامة طارق
04-Jun-2009, 12:07 PM
اسمك؟
اسامة طارق

سنك؟
9 سنين


عملك او دراستك؟
طالب فى الصف الثالث الأبتدائى
وسبب اختيارك ليهم؟
معرفش ليه

حلمك القادم وما تراه في حياتك القادمه وتخطط ليه؟
انا اريد ان اكون طبيب اطفال لعلاج الاطفال المرضى

اكتر موضوع يشغل بالك في حياتك كلها؟
عبادة الله

وموضوع يشغل بالك حاليا؟
كيف ألعب فى الأجازة


كلمة او نصيحه لا تنساها ابدا؟
الصلاة عماد الدين

دلوقتي حاااااااااااااااااااااالا بتفكر في ايه؟؟
بفكر انام علشان معنديش حاجة اذاكرها
احمد طارق
07-Jun-2009, 05:41 PM
اسمك؟
احمد طارق توفيق
سنك؟
11
عملك او دراستك؟
طالب في الصف الرابع الابتدائي
وسبب اختيارك ليهم؟
حكمة ربنا
حلمك القادم وما تراه في حياتك القادمه وتخطط ليه؟
اريد ان اصبح مهندس سيارات لذا اجتهد في دراستي
اكتر موضوع يشغل بالك في حياتك كلها؟
عبادة الله وبر الوالدين ومراعاة حقوق الجار
وموضوع يشغل بالك حاليا؟
يتارا اشتري جيتار ولا كمنجا
كلمة او نصيحه لا تنساها ابدا؟
يوم تسئلن عن النعيم
دلوقتي حاااااااااااااااااااااالا بتفكر في ايه؟؟
اكمل واكتب مواضيع وردود ولا العب شوية علي الكمبيوتر