المساعد الشخصي الرقمي

مشاهدة النسخة كاملة : لمؤسسىالمنتدى فقط

rasha
15-Oct-2007, 04:18 PM
السلام عليكم ورحمة الله وبركاته
بما ان مؤسسين المنتدى هو طارق ومحمد فالكلام موجه ليهم دلوقتى يا جماعة انا اخترت ابئا مشرفة على قسم من اقسام المنتدى لما دخلت لقيت ان فى 3 مشرفين غيرى عليهم طب ايه لزوم انكوا تطلبوا مشرفين تانيين وفى فعلا مشرفين منظر وبس انا فعلا حاسة انى مشرفة بالمنظر مش احسن يتوزعوا على باقى الاقسام او انا هتكلم عن نفسى وخلاص انا عن نفسى عايزة اكون فى قسم اكون مسئولة عنه حتى لو معايا مشرف واحد كمان انما مش 3
يا ريت مكونش تدخلت فى ادارة المنتدى بس انا فعلا مدايقة من النقطة دى وكتبتها فى الاهداءات بس انتوا مسحتوها وماردتوش عليها
يا جماعة حتى والله لو بقيت عضو عادى مفيش مشاكل طلما انا ثابتة وجودى بمواضيعى ومشركاتى انا اللى يهمنى انى اقدر اسد فى مكانى المظبوط مش مشكلة بئا مشرفة ولا عضو
مستنية ردكوا ان شاء الله
طارق فؤاد
15-Oct-2007, 08:00 PM
يا رشا ربنا يبارك فيك
انتي فعلا منورة المنتدى
مسالة اكتر من مشرف دي طبيعية لسبب.. ممكن يكون واحد فيهم أو اثنين أو ثلاثة مشغولين يبقى الموجود يسد
و عامة لو عايزة تبقي لوحدك محدش عنده مانع.. احنا عايزين نريحك .. و مسالة حذف الإهدائات دي بتحصل بعد عدد معين و احنا مش لينا ذنب.. ارجوك اوعي تزعلي لإننا منقدرش على زعلك.. و احنا قريب هنجدد الإشراف بالكامل بحيث يتحط بس قسم اللي بيشارك بجد و بيشرف بجد
rasha
15-Oct-2007, 08:13 PM
ربنا يبارك فيك يا طارق انت ومحمد والله وربنا يعزك لذوقك المنتدى منور بصحابه
وده مش زعل ولا حاجة انتوا لسه ما اتعودتوش على طريقتى ولا ايه؟
اتعودوا بئا على الاسلوب الاسكندرانى
جزاك الله كل خير
نور الاسلام
16-Oct-2007, 04:51 PM
اولا اعتذر عن دخولي في الموضوع مع اني مش من طاقم الادارة
الاخت رشا
انا هقولك حاجة انتي ممكن مش تصدقيها
انا والله مشرف في اكثر من منتدي انما في منتدي مشرف علي قسم ومعايا اكثر من خمسة غير المشرفة العامة علي القسم ونائب المدير علي هذا القسم يعني الحكاية بتافل علي عشرة في قسم واحد والقسم بينقسم الي ثلاة منتديات
ووجة الاستاذ طارق هي الي معقولة فعلي كل مشرف انه لايتجاهل المشرف الاخر انما يتواصل معاه ويذلوا كل جهدهم لكي يكون قسمهم افضل وانشط قسم في المنتدي ويارت وبعتذر مرة اخري
نور الاسلام
طارق فؤاد
16-Oct-2007, 07:00 PM
بارك الله لك يا رشا و أخي الكريم نور الإسلام.. و طبعا نرحب بك يا نور معنا في طاقم الإدارة أن كان عندك متسع من الوقت
محمد سعيد
16-Oct-2007, 08:44 PM
جميل يا جماعه بجد تعاونكو وحبكو للمنتدى وده فعلا اثبت انكو بتحبوة وبتخافو عليه ويا جماعه طيب بصو
اللى عنده استعداد يشرف ياريت فى الموضوع ده يدى رأيه فى القسم اللى نفسه يشرف عليه ويحس نفسه انه هيبدع فيه واحنا باذن الله ننظمها مع بعض ياريت كل عضو يضع رأيه
محمد سعيد
17-Oct-2007, 12:58 AM
تم تعيين miss-aya مشرفه قسم فضفضه بالكامل الف مليون مبروك
نور الاسلام
17-Oct-2007, 03:12 PM
مبارك للاخت المتميزة بمواضيعها دائما ....
..... الاستاذة ايه....

http://www.6aar.com/vcard/images/pic_2005-04-10_025624.jpg

وان شاء الله تسبتي انك افضل مشرفة علي افضل قسم
ننتظر ابداعاتك دائما
لكم مني افضل الامنيات
نور الاسلام
محمد سعيد
17-Oct-2007, 04:33 PM
شكرا على ردك يا نور الاسلام وانت كمان يشرفنا انك تختار قسم تشرف عليه وتشرفنا
نور الاسلام
18-Oct-2007, 03:54 PM
هههههههههههههههه
انت بتجاملني ولا ايه يامحمد باشا
في حد بيكون مشرف في المنتدي بتاعه
يابني انت الي تكون مشرف
هههههههههههههههه
بارك الله فيك
نور الاسلام