سماء الدنيا
21-Mar-2009, 11:13 PM
مفيش حاجه
*******
مانيش عايزة خلاص حاجه
ولا محتاجة أنا لحاجه
ولو عايزة صحيح حاجه
مخليتوليش ولا حاجه
عموماً بصوا فيه حاجه
هقولها بس محتاجة لعقول تفهم
ولو حاجة مهيش مفهومة او حاجه
نفسرها بكام حاجه
نوضحها بكام حاجه
وأهى حاجة مع حاجة
هتظهر وتبان لنا حاجه
وانا ما بخفش من حاجه
مانيش مسنودة ولا حاجة
لكن ما بخفش من حاجه
لكن فرضاً لو هقول حاجه
هيحصل إيه ... ولا حاجه
هيعملوا إيه.... ولا حاجه
ولو بعد الشر .. بعد الشر
لو واحد من القاعدين
من السامعين من الضالين
فِهِم حاجة ..هَيعملوا إيه ؟
اكيد برضُه ولا حاجه !!.
فنتوكل على الستار
لوجه الله نقول حاجه
فيه ناس بتعيش علشان حاجه
وناس بتموت علشان حاجه
وناس بتموت على الحاجه
وناس تديلك الحاجه
وهى ليها محتاجه
وناس تديلك الحاجه
و تاخد قصادها ميت حاجه
وناس تكبر تكون حاجه
و ناس تصغر علشان حاجه
وناس منظر ومش حاجه
وتلقاه كبير حرس ونفير عليه منظر
وهو جبان وشيخ منصر ولا يبانش عليه حاجه
كلامى يا خلق فيه حاجه ؟؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجه
ما أنا ما أقدرش أقول حاجه .
صحيح نفسى أقول حاجه وميت حاجه
لكن مش قادرة أقول حاجه
لأنى لو هقول حاجه
هييجى ناس بتوع حاجه
وياخدونى ورا الحاجه
وهوا ، لو سمع حاجه
هيعملوهالى ميت حاجه
عموما ...عموما
بصو لو حد من القاعدين
عايزنى أبلغه بحاجة
يقول مايخافش من حاجه
نعم ...... فيه إيه؟
ـ لالالالالأه مافيش سرقه
ولا تهليب ولا تهريب ولا حاجه.
وبتقول إيه؟؟
مصمصوا إيه؟؟
وخصخصوا إيه؟؟
ده كله كلام مفيش حاجه.
قضية إيه؟؟
ياشيخ روح
خـــــــــــلاص
مافيش حاجه.
حرامى إيه ؟؟
ولَكّح إيه؟؟
وهرّب إيه؟؟
شــفـافـيـه مافيش حاجه
وبتقول إيه ؟؟
لالالآلأ ه عيب لافيه تدليس
ولاترقيص ولا تدبيس ولا حاجه.
سمع مع هوووووووووس
أنا حاسة إنه فيه حاجه
دقيقة سكات
لَتبقى حداد!!.
أنا حاسة انه فيه حاجه.
زمانكوا ياخلق فيه حاجه
ولازموا كام وميت حاجه
ده لو يعنى إذا كان فيه حاجه
أنا عن نفسى مش حاسة ولا بحاجه
ولا متضااااااااااااااااااااايقة ولا حاجه
سعادتك برضه مش زَيـىِ مافيش حاجه ؟
هـ أهـه ؟؟
بيقول مافيش حاجه
جنابك برضه مش زَيـىِ ؟؟
وعلشان زَيـىِ مافيش حاجه
أهـه بيضحك بيقول مافيش حاجه
ما أنا قولتلكو من الأول مافيش حاجه
عليا النعمه يا أخوانّا مافيه حاجه
ورحمة أبـويـا
ويّا أبـــوك
على إللّى جابوك ما فيه حاجه.
وعهد الله . وعهد الله. وعهد الله
ما خللولنا ولا حاجه.
بقولك إيه ؟؟
خلاص خلّص وفركش يا أخوانا
*******
مانيش عايزة خلاص حاجه
ولا محتاجة أنا لحاجه
ولو عايزة صحيح حاجه
مخليتوليش ولا حاجه
عموماً بصوا فيه حاجه
هقولها بس محتاجة لعقول تفهم
ولو حاجة مهيش مفهومة او حاجه
نفسرها بكام حاجه
نوضحها بكام حاجه
وأهى حاجة مع حاجة
هتظهر وتبان لنا حاجه
وانا ما بخفش من حاجه
مانيش مسنودة ولا حاجة
لكن ما بخفش من حاجه
لكن فرضاً لو هقول حاجه
هيحصل إيه ... ولا حاجه
هيعملوا إيه.... ولا حاجه
ولو بعد الشر .. بعد الشر
لو واحد من القاعدين
من السامعين من الضالين
فِهِم حاجة ..هَيعملوا إيه ؟
اكيد برضُه ولا حاجه !!.
فنتوكل على الستار
لوجه الله نقول حاجه
فيه ناس بتعيش علشان حاجه
وناس بتموت علشان حاجه
وناس بتموت على الحاجه
وناس تديلك الحاجه
وهى ليها محتاجه
وناس تديلك الحاجه
و تاخد قصادها ميت حاجه
وناس تكبر تكون حاجه
و ناس تصغر علشان حاجه
وناس منظر ومش حاجه
وتلقاه كبير حرس ونفير عليه منظر
وهو جبان وشيخ منصر ولا يبانش عليه حاجه
كلامى يا خلق فيه حاجه ؟؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجه
ما أنا ما أقدرش أقول حاجه .
صحيح نفسى أقول حاجه وميت حاجه
لكن مش قادرة أقول حاجه
لأنى لو هقول حاجه
هييجى ناس بتوع حاجه
وياخدونى ورا الحاجه
وهوا ، لو سمع حاجه
هيعملوهالى ميت حاجه
عموما ...عموما
بصو لو حد من القاعدين
عايزنى أبلغه بحاجة
يقول مايخافش من حاجه
نعم ...... فيه إيه؟
ـ لالالالالأه مافيش سرقه
ولا تهليب ولا تهريب ولا حاجه.
وبتقول إيه؟؟
مصمصوا إيه؟؟
وخصخصوا إيه؟؟
ده كله كلام مفيش حاجه.
قضية إيه؟؟
ياشيخ روح
خـــــــــــلاص
مافيش حاجه.
حرامى إيه ؟؟
ولَكّح إيه؟؟
وهرّب إيه؟؟
شــفـافـيـه مافيش حاجه
وبتقول إيه ؟؟
لالالآلأ ه عيب لافيه تدليس
ولاترقيص ولا تدبيس ولا حاجه.
سمع مع هوووووووووس
أنا حاسة إنه فيه حاجه
دقيقة سكات
لَتبقى حداد!!.
أنا حاسة انه فيه حاجه.
زمانكوا ياخلق فيه حاجه
ولازموا كام وميت حاجه
ده لو يعنى إذا كان فيه حاجه
أنا عن نفسى مش حاسة ولا بحاجه
ولا متضااااااااااااااااااااايقة ولا حاجه
سعادتك برضه مش زَيـىِ مافيش حاجه ؟
هـ أهـه ؟؟
بيقول مافيش حاجه
جنابك برضه مش زَيـىِ ؟؟
وعلشان زَيـىِ مافيش حاجه
أهـه بيضحك بيقول مافيش حاجه
ما أنا قولتلكو من الأول مافيش حاجه
عليا النعمه يا أخوانّا مافيه حاجه
ورحمة أبـويـا
ويّا أبـــوك
على إللّى جابوك ما فيه حاجه.
وعهد الله . وعهد الله. وعهد الله
ما خللولنا ولا حاجه.
بقولك إيه ؟؟
خلاص خلّص وفركش يا أخوانا