الحقيقه المره ...رائعه بجد

[محمد سعيد]

قمت من النوم فجأة
في عيني نور غريب وقوي جدا
أستغربت النور ده كله جي منين
واندهشت لما لقيت الساعه بتشاور على 3 صباحا
وأن مصباح الغرفة مطفي
طيب النور ده كله جي منين
وانفزعت لما لقيت نص ايدي جو الحيطه
شديتها بسرعه
خرجت
وانا ببصلها بكل اندهاش
رجعتها تانى لقيتها دخلت جوه الحيطه
استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جمبي
ولقيته بيحلم
بيحلم انه راكب عربيه اخر موديل
وانه رايح حفلة كبيره قوي
لناس اغنيه قوي
وانه لابس اغلى واشيك لبس
عشان يكون احلى واحد فى الحفلة
وكان بيضحك
وفرحان
( !!!!!ابتسمت ( بس انا عرفت هو بيحلم بأيه ازاى
بعدين اتفزعت من اللى بيحصل
وقمت من على السرير
وجريت على اودة امي وابي
قعدت اصحى فى امي واطبطب عليها
واناديها بس هى مش بتستجيب
قعدت اناديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
قولتلها يا ماما انت مش شيفانى
لقيتها مش بترد
ولا بتبصلي
قعدت انادى
ماما
ماما
كانت حطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له قوم نطمن على الاولاد
قالها ده وقته
قالتله معلش قلبي مش مطمن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شيفانى
ياماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها
عدت من جوايا
ملقتش غير انى امشي وراها
وبابا كان ورايا
محاولتش ابصله
عشان ما يتجاهلنيش برده
ودخلت امى الاوده وفتحت النور
مكنش عندى
فرق لأن الدنيا كانت منورة اصلا
انا انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين
ومين اللى نايم على السرير ده ان مكنش انا
وقطع استغرابي
جملة بابا "استريحتى يا ستى اهم نايمين اهو "
لكن هي قالتله معلش
انا عاوزه أطمن على محمد
ولقيتها بتقرب مني
قصدى من الشخص اللى نايم مكانى
وبتطبطب عليه
كانت بتقوله يامحمد
لكن هو مش بيرد
وكانت بتطبط بشويش
وبدأت تهزه جامد
جريت عليها
وقلتلها يا ماما انا اهو
ردي عليا
لكن صوتها كان بيزيد خوف وكان بيعلى
كانت بتنادي
محمد
محمد
وفجأة صرخت ولقيت الصرخة بتوجعنى قوي
كانها بتضربنى
بكيت
وقلتلها ما تصرخيش
وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى
محمد مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسال في ايه
ماما صرخت
اخوك مات يا
محمود
مات
وانا بقولها ببكائي لأ والله
ياماما
انا أهوه شوفيني شوفينى
انت مش سمعاني
لكن ما فيش امل
بصيت للسما وقلت يارب ايه اللى بيحصل ده
لكن ما لقتش سقف
وشفت ناس
ولما شوفتهم
مشيوا
وحسيت بطعنه غريبه
وحجات بتقطعنى بصيت لمحمود لقيته بيصرخ
قلتله اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد
وقفت قدامهم عاجز
ومزهول
رفعت راسي تانى
وقلت يارب
ايه اللى بيحصل يارب
فى ايه
وسمعت صوت من كل حته
كان جي من بعيد
ركزت معاه
لقيته بيعلا
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ ))
(( فَبَصَرُكَ الْيَوْمَ حَدِيد ٌ
وفى ذهول الصوت
لقيت ايدين بتطبق عليا
اتنين شكلهم مش من البشر
بيقولولى تعالى
قلتلهم انتم مين
وعاوزين منى
ايه
شدونى
صرخت
سيبونى
ما تخدونيش من اهلى
اهلى فاكرنى مت
قالولى ما انت مت فعلا
قلتلهم ازاي
ما انا شايف اهو وبتكلم وحاسس بكل حاجه
ابتسموا وقالوا
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحو منه على اليوم ده
على العالم ده
سألتهم انا فين وانتو واخدنى على فين
قالولي احنا حراسك لحد القبر
اتفزعت
قبر ايه
انتوا هتدخلونى القبر
طبعاً
كل انسان لازم يدخل القبر
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مبحبش اسمعها بستعيذ بالله منها بحاول انساها
مكنتش بقدر اتخيل نفسي فى المكان الصعب ده
سألتهم بخوفي
هتسيبونى
قالولي مع عملك
طيب وعملى ده كويس
سكتم
ولقيت واحد بيصرخ وبيبكي وواحد تانى سعيد قوي
وكل واحد فيهم واقف معاه اتنين برده زى اللى معايا
سألتهم ده بيبكى ليه
قالوا
ده عارف مصيره
طول عمرة كان من اهل الضلال
قلت
يعنى
رايح النار
واللي بيضحك ده رايح الجنه
طيب انا
رايح على فين
قولولي
ردوا عليا
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك
تايه
متردد
شويه تمشي صح وشويه تمشي غلط
شويه تتوب وترجع تعصي تاني
ما كنتش واضح
هتفضل بردة النهاردة تايه مش عارف حاجه
اتفزعت وقلت
ايه
يعنى ايه
انا رايح النار
قالولى رحمة ربنا واسعه
ولسة الرحلة طويلة
بصيت ورايا لقيت عمي
وابويا واخويا
ماشين وراهم امي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلتلها يا امى ما تبكيش
ادعيلى
ناديت على بابا
قلتله يا بابا
خلى بالك من امى واخويا
ناديت على محمود
قلتله يا محمود خللى بالك من نفسك سيبك من الدنيا ومتاعها
دي رخيصة قوي
صدقنى مش هتنفعك
ناديتهم كلهم
بس كانو مشغولين بالبكاء
ومحدش سامعنى
مكنتش بتمنى حاجه فى اللحظة دي
الا انهم يسمعونى
وشدنى
الملكين
ونزلونى القبر
ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى
وخوفى عليهم
انهم مش حاسين باللى انا حاسه
وحسدى ليهم انهم لسة فى الدنيا
بس للأسف
كنت ببكى وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجوا كلهم
وقفلوا الباب
والنور تحول سواد
اعمل للدنيا بقدر بقائك فيها ))
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج الى أحد
(( واذا أردت أن تعصي الله ..فاعصه..في مكان لا يراك فيه

[Psycho]

موضوع رائع...وقصه هايله
جزاك الله خيرا
الهم اجعل قبورنا روضة من رياض الجنه
ولا تجعلها حفره من حفر النار

[M.7aleem]

اخى فى الله
جزاك الله خيرا
وجعل الله هذا فى ميزان حسناتك
وتقبل الله منا ومنك
صالح الاعمال

[محمد سعيد]

ربنا يعزنا جميعا يارب ويسكنا فسيح جناته

[rora_2010]

والله كلام ما لية الوصف
لأنة بالفعل أجمل من الرائع



بارك الله فيك

[تقوى الله]

لا اله الا اللهوالله انا حسيت وكانى الشخص ده اخواتى فى الله احنا امة المسلمين محتاجين للدعاء ياريت نوحد دعائنا على ان يقينى الله من الفتن ما ظهر منها وما بطناخواتى فى الله ادعو لى بالهدايهاختكم فى الله

[rasha]

ابكتنى والله القصة
مش لانها قصة حلوة او ان الراوى سردها بطريقة جديدة
لكن لان ده حالى وحالك وحال شباب المسلمين دلوقتى
الا من رحم ربى
فعلا الواحد عايش كانه تايه شوية طاعة وشوية معصية والتسويف دايما هو حالنا
وكلمة رحمة ربنا دايما ادام عيونا
وناسييين ان عذابه شديد
يا ترى لما نموت هنبئا عارفين مصيرنا:confused:
ولا هنكون تايهين زى محمد بطل القصة دى؟
ســــــــــــــــــــــــــــؤال
لغاية امتى هنفضل عايشين فى الدنيا تايهين؟
يا ريت كل واحد يسال نفسه السؤال ده ويقعد مع نفسه قاعدة صراحة ووقفة مع النفس
وتحدد انت عايز تدخل الجنة وتشوف نعيمها وكل الحجات اللى ربنا عز وجل ذكرهلنا فى القران؟
نفسك تشوف الحور العين؟
نفسك تشوف الصحابة اللى كنا بنحكى قصصهم ونتحمس من شجاعتهم
والاكتر من كده نفسك تشوف الرسول عليه افضل الصلاة والسلام
اللى اتعذب واستحمل كتير عشانا عشان نكون مسلمين
اللى قالنا على كل حاجة تفيدنا وتنفعنا وتدخلنا الجنة ونهانا عن كل حاجة تضرنا وتطيح بينا الى عذاب جهنم
والاعظم من كل ده
نفسك تشوف وجه الله عز وجل
انا عارفة ان الاجابة اكيد اه
بس انت فعلا حاسسها طالعة من قلبك؟
اذا كدبت على الناس مش هتقدر تكدب على نفسك
واذا كدبت على نفسك مش هتقدر تكدب على اللى خلقك
لو فعلا نفسك فى كل ده يبئا لازم تحدد طريقك من دلوقتى
من اللحظة دى
حاسب نفسك
وهتوصل
ان شاء الله
واسمع المقطع ده

وقفة صــــــــــــراحة

http://rapidshare.com/files/62438887/__1608___1602___1601___1577____1605___1581___1575_ __1587___1576___1577____1604___1575___1610___1605_ .html

جزاك الله كل خير يا محمد على الموضوع
لان يهدى الله بك رجلا خير لك من حمر النعم
فاللهم اهدنا واهدى بنا يا رب العالمين

[bent_masrya]

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ ))
(( فَبَصَرُكَ الْيَوْمَ حَدِيد ٌ

صح احنا في غفلة ومش عاملين حساب لليوم ده
اللهم أبدلنا دارا خيرا من دارنا وأهلا خيرا من أهلنا وزوجا خيرا من زوجنا وأدخلنا الجنة
وقنا من عذاب القبر والنار آآآآآآآآآآآآآآمين

[نور الاسلام]

بارك الله فيك يا استاذ محمد وان شاء الله ربنا جمعني واياكم في جنة الخلد اللهم امين

[bent_masrya]

مبروك ياأخى الموضوع يستحق الفوز بجد وجزاك الله كل خير وجعله في ميزان حسناتك

[Khaled]

موضوع رااائع أخى الكريم

جزاك الله خيرا إن شاء الله
وجعله فى ميزان حسناتك

[yasmen]

جزاك الله خيرا يا محمد

لا تعليق يليق

بموضوع رائع زى ده

الهم اجعل قبورنا روضة من رياض الجنه
ولا تجعلها حفره من حفر النار

[جويرية بنت الحارث]

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ ))
(( فَبَصَرُكَ الْيَوْمَ حَدِيد ٌ

؛؛
الحقيقة الوحيدة والمؤكده فى عالم البشر
انه ميت ابن ميت
وكلنا الى الله راجعون
ولن يبقى معنا الا عملنا
ولكن الأنسان ينسى
رغم ان الموت آت لا محاله ويأتى فى اى وقت وحين وفى لمح البصر
وفى اقل من الثانية
حقا
الأنسان خلق فى هذه الدنيا كى يعبد الله ويعمل صالحا
ويعمر الأرض ويأمر بالمعروف وينهى عن المنكر
ويعيش من أجل الدعوة الى الله وحمل الرسالة بعد نبينا الكريم
فلكنا دعاة الى الله
وكلنا عباد الله
نرجو اليوم الأخر
تبيض فيه وجوهنا وتكون الى ربها ناظرة راضيه
اللهم ارزقنا الجنة واجعل قبورنا روضة من رياض الجنة
وصحبة الحبيب محمد صلى الله عليه وسلم
فى الفردوس الأعلى
؛؛
موضوع بحق راااااااائع
جزيت كل الخير أخى محمد
بارك اللهم فيك

[سماء الدنيا]

السلام عليكم ورحمة الله وبركاته
الموضوع اكتر من رااائع والله ابكانى يا اخى جزاك الله خيرا
وفعلا هذا حال الشباب والانسان عامة
اعمل للدنيا بقدر بقائك فيها ))
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج الى أحد
(( واذا أردت أن تعصي الله ..فاعصه..في مكان لا يراك فيه
اللهم استرنا فوق الارض وتحت الارض ويوم العرض

[القاضى العدل]

بارك الله فيك وجعله فى ميزان حسناتك

[القاضى العدل]

جزاك الله كل خير على الموضوع بجد مؤثر

[عائدة الي الله]

جزاك الله خيرا وجعله في ميزان حسناتك