احكام التجويد بالشرح المبسط

[bent_masrya]

بسم الله الرحمن الرحيم

منقول

(ربنا عليك توكلنا و إليك أنبنا و إليك المصير)

السلام عليكم و رحمة الله و بركاته

اليوم موعدنا مع اول درس فى التجويد
يعنى إيه تجويد

التجويد ان سيادتك تدى الحرف حقه و مستحقه

ازاى؟


انا اسمى فلان: ده حق ليه معملتش حاجه علشان اخده جميل

ده معنى كلمة حق الحرف

حق الحرف هو الصفات اللى منين ما يكون موجود فى الكلمة لازم تكون فيه

امال يعنى ايه مستحق: لو عندنا واحد اشتغل مش ياخد فلوس

وساعتها بنقول ده يستحق اجرته

نفس الكلام فى الحروف: مستحق الحرف : هو الصفات اللى بتتغير فى الحرف على

حسب مكانه و تشكيله فى الجملة

نشوف امثلة و حنفهم معنى الكلام

الراء فى كلمة رءوف و كلمة يريد

تحس ان الرائين مش زى بعض ......ازاى؟؟؟؟؟؟؟؟؟؟؟

حتحس ان الاولى تخينه شويه و التانيه رقيقه و بتخرج زى ما بنقول كلمة ريرى
ده معنى مستحق الحرف

لما كانت الراء مفتوحة زى رءوف كانت تخينه

ولما كانت مكسوره فى يريد كانت رفيعه

يعنى على حسب مكانها فى الكلمة و كمان التشكيل


طب تعالى نقول : طالب. بطيخ. حاسس بفرق

مفيش ليه : بالرغم ان الاولى مفتوحه و التانيه مكسوره ( مين اللى بيقول فيه فرق)

الطاء على طول تخينه يعنى ده حقها

هى ربنا خالقها كده


فهمنا يعنى ايه حق الحرف و مستحقه


طب انا حتعلم تجويد ليه؟ ما انا بقرأ القرآن صح


تسمح تقولى مين اداك الفكرة ده



والله انا اعرف ناس دكاترة و اساتذة جامعة و لما يجى عند المصحف يتهته

كمان كفايه انى لما حتعلم التجويد حقرأ زى ما كان الرسول بيقرأ و زى ما ربنا يريد




طب يا عم الشيخ هو لازم نتعلم تجويد؟ يعنى لو قرأت القرآن من غير تجويد عليه ذنب؟

طبعا عليك ذنب

ايه الكلام اللى انت بتقوله ؟وعندك دليل؟ امال الحديث بتاع ومن يقرأ القرآن و هو عليه شاق فله أجران يقصد ايه؟

اصبر بس واحده واحده

فيه فرق انك تقرأ القرآن بالتجويد و بين انك تتعلم الجزء الاكاديمى منه

يعنى ايه؟؟؟؟؟؟؟؟؟؟؟؟؟؟؟؟

يعنى سيادتك مش مطالب تعرف انت بتعمل ليه غنه او ادغام( اسم الحكم يعنى)

بس سيادتك مطالب انك تقرأ الكلمة اللى فيها غنه بالغنه بتاعتها( تلقى يعنى)

جاء رجل الى ابن مسعود فقرأ( للفقراء المهاجرين ) من غير ما يمد الالف

فقال له ابن مسعود : ما هكذا اقرأنيها رسول الله

فقال له الرجل : و كيف أقرأكها يا ابن ام عبد

فقال له ابن مسعود : للفقرآء المهاجرين( بالمد)

خلاص : المد بأه فى الكلمة ده بنقول عليه واجب متصل

المطلوب من سيادتك انك تمد الالف بس لا تعرف يعنى ايه متصل و لا غيره

كده حتكون معلكش ذنب


طبعا مع الوقت بيدخل على الواحد شك هى كان الكلمة ده فيها حكم ولا مفيهاش
علشان كده لما حضرتك تتعلم الجزء النظرى المعلومة حتثبت

كده خلصنا اول درس يا رب تكون كل حاجه واضحه


و السلام عليكم ورحمة الله و بركاته
<!-- / message -->

[محمد سعيد]

جزاكى الله خير الجزاء وياريت تكملى واحنا معاكى باذن الله

[bent_masrya]

شكرا يامحمد ويارب يتقبل إن شاء الله

[bent_masrya]

حنتكلم النهارده إن شاء الله تعالى عن مخارج الحروف:

تخيل لو عندنا عمارة، والعمارة دي 5 أدوار، وكل دور فيه كذا شقة

وكل شقة فيها غرف.

مخارج الحروف عندنا ليها نفس التقسيمة

عندنا خمس مخارج كبيرة (الأدوار) بنقول عليها مخارج عامة أو رئيسية

المخارج الرئيسيي دي بتتقسم إلى 17 مخرج أصغر منها (الشقق) بنسميها مخارج خاصة

وفاضل طبعا الغرف اللى هى إيه؟ الحروف طبعا

ودلوقتى نبتدى على بركة الله التقسيم

س: أذكر المخارج العامه للحروف؟

ج: خمس مخارج : 1- الحلق (الزور يعنى)

2- اللسان

3- الشفتين

4- الخيشوم (الأنف)

5- الجوف (مطلق فراغ الفم)

طب لو عايز أعرف مخرج الحرف أعمل ايه؟؟؟

بسيطة: نخلى الحرف ده ساكن ونحط قبله همزه وننطق... منين ما الهوا يخلص ده هو مخرج الحرف (جرب كده تقول أطْ)

طيب حنتكلم دلوقتى عن الدور الأول والناس اللى ساكنه فيه

كلامنا دلوقتى عن ...


الحلْق: الزور يعنى:

بص إحنا حنمشى من أول الرئتين لغاية الشفتين

يعنى أبعد مكان عن الشفتين حنقول عليه أقصى

وأقرب مكان للشفتين حنقول عليه أدنى

اتفقنا إن الحلق مخرج عام وكمان اتفقنا إن المخرج العام بيتقسم لمخارج خاصه صح

الدور بتاعنا النهارده فيه 3 شقق يعنى إيه؟

الحلق بينقسم لـــــــــــــــــــــــــ 3 مخارج خاصة

1-أقصى الحلق: بيخرج منه الهمز و الهاء


2- أوسط الحلق : بيخرج منه العين و الحاء


3- أدنى الحلق : بيخرج منه الغين و الخاء


يعنى الحلق بيخرج منه كام حرف >>>>>>> 6 حروف

نيجى لأهم حاجه فى مخارج الحروف:

اللى هى إيه؟

إيه أخطاؤنا وإحنا بننطق الحروف دي؟؟؟؟؟


الهمز: أول غلطة بنعملها إن إحنا بننطقها تخينة (مفخمة يعنى)

فبتخرج عامله زى ال (a) اللى فى الفرنساوى

أمال ننطقها إزاى ؟؟؟؟ زى ما بنقول (أبى)

2- الهاء: نفس غلطة الهمز بننطقها تخينة


تعالى نقول كلمة النهار حتلاقى سيادتك بتنطق الهاء زى لما بتنطقها

فى كلمة الهرم أمال ننطقها إزاى ؟؟؟ زى ما بنقول يا هادى

كمان فيه شوية كلمات لازم نبين الهاء فيها


زى ::::: (فسبحه, واستغفره)


3- العين : غلطتنا فيها إن بننطقها تخينة زى ما بنقول (عاطل)

و الصح إننا بننطقها زى ما بنقول (عام)

4- الحاء :

لازم ننطقها رفيعة زى ما بنقول الرحمن أو حسن

5- الغين :

غلطتنا إننا بننطقها رفيعة وهى أساسا تخينة

إحنا بننطقها زى ما بنقول غسالة أمال ننطقها إزاى؟

زى ما بنقول غرغرة

6- الخاء :

برده بننطقها رفيعة مش تخينة زى ما بنقول ..... خاتم

بس الصح إن إحنا ننطقها تخينة زى ما بنقول خروف


وإن شاء الله حنتكلم دلوقتى عن سكان الدور التانى وشققه

بس المره ده الشقق كتيرة شويتين

كلامناعن اللسان وآآآآآآآآآآآآآآآآآآآآه من اللسان

اللسان بيتقسم إلى خمس مخارج فرعية

وطبعا عرفنا يعنى إيه مخرج فرعى

1- أقصى اللسان: (الشقة اللى فى وش السلم (اللى أمام الحلق يعنى))

مين شاطر حيقول يعنى إيه أقصى اللسان؟

تمام الله ينور: أقصى اللسان يعنى أبعد حته عن الشفتين (الجزء العريض الداخلى من اللسان

بيخرج منه القاف والكاف).

القاف: أقصى اللسان لأعلى (يعنى اللسان بيترفع وأنا بنطقها) جرب تقول أقْ

والكاف: أقصى اللسان لأسفل جرب تقول أكْ

طب كالعادة إيه اللى بنغلط فيه وإحنا بننطق الحروف دي

القاف: بتخرج منا زى الكاف يعنى رفيعة وهى أصلا تخينة

والكاف: بننطقها زى القاف

مثلا : كلمة استكبر : ناس بتنطقها استقبر

يا جماعه إحنا بنقول قتكوت ولا كتكوت

ولينا عوده مع القاف و الكاف بس لما ناخد الصفات

نتكلم عن الشقة التانيه : اللى فى الوسط

2- وسط اللسان بيخرج منه 3 حروف

الجيم : غلطة النطق فى الجيم هى كالآتى

أ- إن إحنا بننطقها من غير ما نعطشها

ب- التفخيم: كتير من الناس بتنطق الجيم زى ما بنقول :gone

أمال ننطقها إزاى زى ما بنقول كلمة age

الشين : كمان بتخرج من وسط اللسان

طب بنغلط فيها إزاى؟؟؟؟؟؟؟؟؟؟

1- بنفخمها : تعالى قول كلمة يحشرون حتلاقى فيه ناس بتفخم الشين

طب الصح إيه ؟؟؟ تنطق الشين زى ما بتقول كلمة شمس حتلاقى الشين رفيعه خالص

2- ناس كتيرة بتنطق الشين فيها جيم : غريبة ده صح بس والله بتحصل

تعالى قول (رشده) حتلاقى ناس بتنطقها (رچده) بيعطش الجيم كمااااااااان

يا جماعه إحنا بنقول (رش) المياه ولا (رچ) المياه

الياء: كمان بتخرج من وسط اللسان

غلطة الياء إن إحنا بنطلعها تخينة :::: تعالى قول شياطينهم

حتلاقى إن سيادتك بتنطق الياء اللى بعد الشين زى ما بتقول (ياض)

أمال الصح إيه ؟؟؟؟؟؟؟ تنطقها زى ما بتقول ياسمين

طبعا أنا حاسس إن فيه واحد بيقول ياااه ده شركّنا خالص


حنتكلم عن سكان جداد من العمارة

الشقة بتاعة النهارده شقتين مفتوحين على بعض

كلامنا عن حافتى اللسان................يعنى ايه حافتى اللسان؟

الجانب بتاع اللسان ( الخط العريض اللى بيخبط فى الضروس)

المهم : بيطلع منه ايه؟

الضاااااااااااااااااااااااااااد

اصعب الحروف اللى فى العربية كلها

الضاد بتخرج من حافتة اللسان اليمين او الشمال و بتخبط و هى
طالعة بصف الضروس اللى محاذى ليها

يعنى ايه؟؟؟؟؟
لو سيادتك حتنطقها من اليمين فاللسان حيلزق فى صف الضروس
اللى على اليمين و العكس

بص سيبك من الكلام ده مش حتعرف تجيبها صح الا لما حد يوريهالك ادامك

طب انطقها ازاى ؟؟؟؟؟؟؟؟؟؟؟؟

تعرف تقول لحمة ضانى ؟؟؟؟ الضاد كده بالظبط ضااااااااانى بس محدش لاقيها

تانى ساكن فى الشقة هو

حرف اللام : و اللام زى الضاد بيطلع من حافتى اللسان بس خد بالك

اللام بتخرج قرب نهاية اللسان

مش فاااااااااااااااهم؟

تعرف تمسك طرف لسانك ( ارفع حته فيه) اللى قدام قبلها فيه حرده يعنى جزء واخد شكل كرف ده مخرج اللام

ما علينا الكلام ده مع التعود حنعرفه و أحنا بنقرب الصورة بس


تطلّع اللام ازاى:؟؟؟

زى ما حضرتك بتقول ::: يا ولد او زى ما بتقول لمياء

والغلط انى انطقها ازاى؟؟؟؟؟؟؟؟؟؟؟؟

زى ما احنا بنقول (لاما ) الحيوان المشهور او و احنا بنقول la فى الفرنساوى

اللام متنطقش كده ابدا الا فى

1-لفظ الجلاله اللى قبله مفتوح او مضموم

مثل :::: من َالله رسولُ الله

غير كده زى قلِ اللهم او صلصال او ولا الضالين لازم ننطقها رفيعة

كمان فيه ناس تخطف اللام فى الكلام

مثال : و جعلنا <<<<كتير من الناس تنطقه و جعنّا

والتقى <<<< برده فيه ناس تنطقها و التّقى كأنها لام شمسيه <!-- / message -->



وإلى تكمله إن شاء الله .................
http://www.yesmeenah.com/smiles/smiles/50/e%20(115).gif

[bent_masrya]

بسم الله الرحمن الرحيم

إخوانى فى الله السلام عليكم ورحمة الله وبركاته

نكمل اليوم درس المخارج

النهاردة إن شاء الله حنتكلم عن سكان الدور التانى وشققه

بس المره ده الشقق كتيرة شويتين

كلامنا النهارده عن اللسان وآآآآآآآآآآآآآآآآآآآآه من اللسان

اللسان بيتقسم إلى خمس مخارج فرعية

وطبعا عرفنا يعنى إيه مخرج فرعى

1- أقصى اللسان: (الشقة اللى فى وش السلم (اللى أمام الحلق يعنى))

مين شاطر حيقول يعنى إيه أقصى اللسان؟

تمام الله ينور: أقصى اللسان يعنى أبعد حته عن الشفتين (الجزء العريض الداخلى من اللسان

بيخرج منه القاف والكاف).

القاف: أقصى اللسان لأعلى (يعنى اللسان بيترفع وأنا بنطقها) جرب تقول أقْ

والكاف: أقصى اللسان لأسفل جرب تقول أكْ

طب كالعادة إيه اللى بنغلط فيه وإحنا بننطق الحروف دي

القاف: بتخرج منا زى الكاف يعنى رفيعة وهى أصلا تخينة

والكاف: بننطقها زى القاف

مثلا : كلمة استكبر : ناس بتنطقها استقبر

يا جماعه إحنا بنقول قتكوت ولا كتكوت

ولينا عوده مع القاف و الكاف بس لما ناخد الصفات

نتكلم عن الشقة التانيه : اللى فى الوسط

2- وسط اللسان بيخرج منه 3 حروف

الجيم : غلطة النطق فى الجيم هى كالآتى

أ- إن إحنا بننطقها من غير ما نعطشها

ب- التفخيم: كتير من الناس بتنطق الجيم زى ما بنقول :gone

أمال ننطقها إزاى زى ما بنقول كلمة age

الشين : كمان بتخرج من وسط اللسان

طب بنغلط فيها إزاى؟؟؟؟؟؟؟؟؟؟

1- بنفخمها : تعالى قول كلمة يحشرون حتلاقى فيه ناس بتفخم الشين

طب الصح إيه ؟؟؟ تنطق الشين زى ما بتقول كلمة شمس حتلاقى الشين رفيعه خالص

2- ناس كتيرة بتنطق الشين فيها جيم : غريبة ده صح بس والله بتحصل

تعالى قول (رشده) حتلاقى ناس بتنطقها (رچده) بيعطش الجيم كمااااااااان

يا جماعه إحنا بنقول (رش) المياه ولا (رچ) المياه

الياء: كمان بتخرج من وسط اللسان

غلطة الياء إن إحنا بنطلعها تخينة :::: تعالى قول شياطينهم

حتلاقى إن سيادتك بتنطق الياء اللى بعد الشين زى ما بتقول (ياض)

أمال الصح إيه ؟؟؟؟؟؟؟ تنطقها زى ما بتقول ياسمين


وإلى لقاء إن شاء الله .......