هل من حق الزوج الإطلاع على خصوصيات الزوجه ؟؟؟؟

[bent_masrya]

عندى سؤال أحب اسمع رأيكم فيه ( ذكور واناث) أما السؤال فهو:

هل يحق للزوجه الاطلاع على خصوصيات الزوج والعكس بمعنى هل يحق للزوج ايضا الاطلاع على

خصوصيات الزوجه كأن يقوم بفتح حقيبة يدها ويفتشها .. أو يمسك بالموبايل ويراجع أرقامها .. ؟؟

وهل للرجل أن يأمر زوجته مثلا بأن تعطيه كلمة السر كى يفتح البريد الألكترونى الخاص بها ويطلع عليه

أو يدخل إلى الماسنجر الخاص بها لكى يعرف من تحادث ؟؟

وهل من حق الزوجة أن تحتفظ بخصوصياتها .. بعيدة عن عيون زوجها ؟؟

هل تعتقد أن هذا يعتبر من خصوصيات الزوجه وليس للزوج أي حق في الإطلاع عليه؟؟

ونفس الكلام ينطبق على الزوجه هل لها الحق في الإطلاع على خصوصيات زوجها لمعرفة كل شيء عن

زوجها؟؟؟

عايزه كل واحد يقول رأيه الشخصى ورأى الدين إن وجد ...........

[محمد سعيد]

بصراحه ومن رائى انها من حق الراجل انه يعرف كل ده حتى لو واثق فى زوجتى مليار فى المية من حبى ليها ومن الغيرة ومن الرجوله ومن و و و و كتير لازم يعرف كل حاجه مراته بتعملها احنا الاتنين اختارنا بعض واختارنا اننا نكون سر بعض

دى وجهة نظرى

[miss-aya]

ممممممممممممم
مش عارفه اعتقد انه لو الزوجة مش مخبية حاجه
اكيد من تلقاء نفسها هتيدي الزوج الباسورد عادي لكل خصوصيات
بس حكايه يفتح الشنطه دي معرفش اصلي مش بحب حد يفتح شنطتي... وش بيضحك...

[bent_masrya]

بصراحه يامحمد أنت وآيه انا بيتهيألى ان الراجل لو واثق في نفسه اولا وفي زوجته ثانيا مش هيفتش وراها لكن الزوجه بطبعها شكاكه فأكيد هتفتش ورا جوزها علشان تستريح امال هما ناقصات عقل ليه وش بيضحك

منتظره باقى الاراء

[M.7aleem]

مساله حسابيه سهله جدا

زوج مؤمن + زوجه مؤمنه + شريعه اسلاميه بتطبق فى بيت اسلامى واضربى كل دا فى حب فى الله = اكيد الناتج معرف

واكيد كلنا عرفنا الناتج وساعتها مش هنحتاج نسال سؤال زى سؤال
اختنا فى الله بنت مصريه

جزاكى الله خيرا
اختى بنت مصريه
وتقبل الله منا ومنك
صالح الاعمال

[محمد سعيد]

http://img87.imageshack.us/img87/9677/mnwa8tk7.gif

والله موضوع جميل وراى مصطفى فعلا اقرب للحقيقه بس انا برده عند رائى لازم اسأل وادور ده الغيرة والحب

[miss-aya]

بصي يا رانيا هو اكيد رائ مصطفي سليم وطبعا في ثقه والا مكنوش يتجوزو من الاساس
لكن

بطبيعته الرجل الشرقي بيغير من خياله.... وخصوصا لو زوجته انسانه اجتماعية متكلمة
تعرفي ان في مره عريس كان التعليق لما شافني اني كويسة بس للاسف اجتماعية ومتكلمة....؟؟!!!!
يعني هو دا من رائه انه دا عيب لانه بيغير ولو شافها بتتكلم من طرف راجل وهي حاولت تعمل خصوصيات ليها... هيشك فيها علي طووول

عارفه بطبيعة الحال كل شباب اليوم شكاكين لانهم للاسف عرفو بنت واثنين وثلاثه واي بنت قدامهم بنت سهله.... حتي لو بتتعامل بطبيعتها
فلما بيجي يتجوز بيقعد يفكر طيب هي ليه مش عايزاني افتح الميل وله اشوف الرسائل..!!!!!؟؟؟ اكيد في سر
ويفضل يودي ويجيب
فالاصلاح الست العاقله
تكبر دماغها....وعايز الباسوورد تعطيله وماله
عايز يشوف الرسائل او ضايفه مين علي الموبايل برضو وماله ما يشوف

اصلها مدام البنت كلير وواضحه خلاص... بس ميفتحش الشنطه لاحسن انا عندي عقد من فتح الشنط((وش بيضحك))
الحكايه مش ثقه الحكايه انه ممكن بيفترض انهم كيان واحد ودا صحيح فمش فارق مين ياخد باسورد مين

وجزاكم الله الجنه

[bent_masrya]

أنا معاكى ياآيه فى الحق ولكنى اختلف مع الرجل الشرقى في الاسلوب بمعنى لو هو عايز يدور ويفتش ممكن ولكن مش باسلوب يحسسها انها فى موضع شك ولا ايه

[M.7aleem]

أنا معاكى ياآيه فى الحق ولكنى اختلف مع الرجل الشرقى في الاسلوب بمعنى لو هو عايز يدور ويفتش ممكن ولكن مش باسلوب يحسسها انها فى موضع شك ولا ايه


اختى بنت مصريه
اختلافك هنا على نوع معين من الرجال
الا ما رحم ربى
الغيره غريزه انسانيه وطبيعه بشريه
اما الرجل العربى بيعمل كدا مش حب فضول
لا
هو غيره راجل بيغير على زوجه
وزى ما قولت بتختلف من شخص لاخر
يعنى زى ما بنقول صوابعك مش زى بعضها
وبعدين احنا هنروح بعيد ليه
هو مش الرسول صلى الله عليه وسلم قال
اظفر بذات الدين
افتكر لو الانسان ظفر بذات الدين
وهى كمان ظفرت بذات الدين
افتكر ان الموضوع هيبقى سهل جدا
وافتكر ان مفيش حاجه ممكن الست تخفيها عن زوجها
ونفس الامر للزوج مفيش امر يخفيه عن زوجته
يعنى لو هما الاتنين كل واحد خبى على التانى هيروح يقول لمين
وافتكر مفيش امر ممكن الزوج يخفيه عن زوجته او العكس
وانا عن نفسى لو حسيت ان زوجتى مخبيه حاجه عنى
شىء طبيعى انى اعرف انى ادور عشان اعرف الامر دا
وافتكر دا حقى
ونفس الامر بالنسبه للزوجه من حقها انها تدور لو حست انى مخبى حاجه
يعنى من الاخر عشان انا رغيت كتير
ليه نخبى على بعض او نحتفظ باسرار
يعنى خلاص انا وقعت فى ارابيزى
وانا وقت فى ارابيزها
والسلام ختام
:):):)

[M.7aleem]

بصي يا رانيا هو اكيد رائ مصطفي سليم وطبعا في ثقه والا مكنوش يتجوزو من الاساس
لكن

بطبيعته الرجل الشرقي بيغير من خياله.... وخصوصا لو زوجته انسانه اجتماعية متكلمة
تعرفي ان في مره عريس كان التعليق لما شافني اني كويسة بس للاسف اجتماعية ومتكلمة....؟؟!!!!
يعني هو دا من رائه انه دا عيب لانه بيغير ولو شافها بتتكلم من طرف راجل وهي حاولت تعمل خصوصيات ليها... هيشك فيها علي طووول

عارفه بطبيعة الحال كل شباب اليوم شكاكين لانهم للاسف عرفو بنت واثنين وثلاثه واي بنت قدامهم بنت سهله.... حتي لو بتتعامل بطبيعتها

فلما بيجي يتجوز بيقعد يفكر طيب هي ليه مش عايزاني افتح الميل وله اشوف الرسائل..!!!!!؟؟؟ اكيد في سر
ويفضل يودي ويجيب
فالاصلاح الست العاقله
تكبر دماغها....وعايز الباسوورد تعطيله وماله
عايز يشوف الرسائل او ضايفه مين علي الموبايل برضو وماله ما يشوف

اصلها مدام البنت كلير وواضحه خلاص... بس ميفتحش الشنطه لاحسن انا عندي عقد من فتح الشنط((وش بيضحك))
الحكايه مش ثقه الحكايه انه ممكن بيفترض انهم كيان واحد ودا صحيح فمش فارق مين ياخد باسورد مين

وجزاكم الله الجنه



الا ما رحم ربى