عايزة حد يقولي اشمعن هي وانا لا

[miss-aya]

السلام عليكم
طبعا انا دي مش عايده عليا وله عايده عبد العزيز مثلا:D لا دي عايده علي الحوار اللي هنشوفه دلوقتي

هي... ازيك يا اية
انا... الحمد لله
هي... عرفتي ان فلانه اتخطبت
انا... اه عرفت وباركتلها قووووي انا فرحتلها موووت
هي.. فرحتلها علي ايه يعني دي رمت نفسها
انا... يا بنتي لا حول وله قوه الا بالله ليه يعني ما الراجل كويس وعيلته محترمه رمت نفسها ازاي يعني
هي... انا همووت واعرف اشمعن دي بالذات اللي مكنش حد متوقع انها تتخطب وانا لا ليه من غير دلوقتي مفيش حد بيتقدم اشمعن هي وانا لا
انا... انتي لا ازاي يعني هو سوبر ماركت واللي يلحق ياخد العرض وله ايه... دا نصيب يا حبيبتي
هي... عارفة انه نصيب بس هي مكنش باين عليها احاجه خالص وعامله بريئة:mad:
انا... سبحان الله... برئية من ايه بس دا جووواز هو في ايه يا بشر يا بنتي نصيبها جالها وربنا يوفقها ويرزقها الذريه الصالحه اسكتي بقي لاحسن انتي شكلك هيستي
************************************************** ******************
الحوار دا دار بالشكل دا
وانا بصراحه مكنتش فايقه قوي لو كنت فاقيه كنت فهمتها يعني ايه نصيب
بس انا حابيت اعرض نموذج من الموجود يا بنات لسببين
1- عشان كل بنت حاسه انها قليلة عشان متخطبتش تفهم انه مش بس الجواز نصيب لا انتي من غير ما تشعري بتبداء بتمني زوال النعمه ودا بقي الحسد والقر اللي علي اصوله وهنا نقولك استوووووووووووب .... في حاجات لا دخل للانسان فيها زي الجواز المرض(شايفين الجواز بعده المرض علي طووول:D
) الشغل كله نصيب

2- عشان البنات اللي ماشيه طول النهارتقول خطيبي عمل خطيبي سوي خطيبي جابلي حته جزمه وتعمل افلام بقي
اعرفي انك مش بس بتجيبي الحسد لنفسك يا خيبة لا انتي بتاذي مشاعر البنات اللي لسه متخطبتش لان كتير من البنات
مفتقدين الحب والحنان والاهتمام في بيوتهم ووسط اصدقائهم وعيلتهم تيجي انتي بقي فاهمه انه مفيش حد بيعمل زي المحروس خطيبك
يقوم يتنش عين وله بكلامك تتسببي في جرح فتاة من غير قصد تحسدك علي الامله اللي انتي فيها(( متعرفش انه لسه قافل سماعه التلفون في وشك حالا ومديلك الدوش التمام:D))

************************************************** ****
نصيحة من موقف حدث ... خلو بالكم يا داعيااااااااااااااااااات

[محمد سعيد]

والله يا اختى ايه انا بحب جداااااااااا اقرأ مواضيعك بسبب طريقة سردك ليها ربنا يكرمك يارب وموضوع فعلا لازم كلا لبنات والولاد كمان ياخدوا بالهم منه

[miss-aya]

جزاك الله خيرا يا اخي محمد
ربنا يكرمك ..... ويارب فعلا يكون مفيد للبنات والاولاد كمااااان

[Psycho]

جزاكى الله كل خير يا ايه
فعلا نصائح غاليه جدا لازم تلتفت ليها كل البنات
ربنا يكرمك و يصبرنا احنا كمان

[miss-aya]

ربنا يكرمك ويصبرك
ويرزقك الزوجة الصالحه يارررب

[rasha]

ايه شغل عواجيز الفرح ده؟؟؟
ههههههه
بس والله فعلا بيحصل كده
جزاكى الله خيرا

[miss-aya]

جزانا واياكي
عارفه انها كانت لسه هتكمل علي شكل الفستان والعريس وامه
وهتبداء تنقد بقي ... وانا اللي قفلت الموضوع
استعجبت ان العروسة اختارتها من ضمن كتير يحضرو الفاتحه
وهي شايله منها....

ربنا يرزقك كل البنات الازواج الصالحين

[M.7aleem]

اولا موضوعك جميل جدا يا اخت ايه
والنصائح اللى انتى قدمتيها رائعه
وبصراحه عايز اقول حاجه
بقولها كل مره
الدين ثم الدين ثم الدين
حط الدين و اوزن عليه كل شىء
اسلوب التعامل والمحبه والفرحه
يمعنى انا ربنا لسه ما اردتش ان حد يتقدملى اتعامل مع موقف زى اللى حصل دا
من منطلق ان نصيبى لسه مجاش وان ربنا اكيد هيرزقنى بالشخص المناسب(وطبعا لازم انا كمان اكون الانسانه المناسبه )
يبقى الرضى هو اسلوب التعامل مع المواقف اللى زى دى فى بنات كتير اتعرضت للمواقف دى
وبنات يمكن افضل من بنات كتير جدا بس لسه النصيب لسه رزقك فى الزواج مجاش
ويمكن ربنا سبحانه وتعالى شايف ان مفيش حد يستحقك وبياخر الموضوع وبيختبرك وهيرزقك بزوج صالح (بس الرضى نرضى ونصبر )
ثانيا المحبه
اه هو مش الحبيب صلى الله عليه وسلم قال
حب لاخيك ما تحبه لنفسك
صدق رسول الله صلى الله عليه وسلم
يبقى احب لها الخير وزى ما بتمنى لنفسى الخير اتمنى ليها كمان الخير
زى ما انا عايزه زوج صالح اتمنى ان زوجها يكون زوج صالح
وادعلها ان ربنا يبارك الزواج وان الزواج يكون فى طاعه
ثالثا الفرحه
افرح لها واهنيها واقف جنبها وانصحها نصيحه خالصه لوجه الله
واكون اول واحده تقدم لها المساعده فى الزواج انها تساعدها فى الفرح
الحاجات اللى البنات بتساعد بعض فيها ساعة الزواج
وانا عن نفسى بعمل النشاره بتاعة الفرح ( بينى وبينكم لا افقه شىء فى شىء فى النشاره بس بعمل ريس وخلاص )
ولا بلاش ريس دى لحسن نتقفش:)
يبقى احب لها الخير وافرح لها وقبل كل دا اتعامل مع الموقف صح

وشكرا يا ايه على الموضوع الجميل

جزاكى الله خيرا
وتقبل الله منا ومنك
صالح الاعمال