rasha
22-Dec-2007, 11:24 AM
زمااااااااان .. كنا قاعدين بنتكلم على العرسان ...
تنفست الصعداء ... اه انا زهقت انا عايزة اجوز واقعد في البيت ...
ردت عليا ...اه يابنتي والله من سمعك عندك حق ...
وقالت وحدة تالته ... احنا نشوف ثلاته كده امهم داعية عليهم .. نتجوزهم ....
ها ها ها ها ها ها ها ... ضحكنا احنا التلاته ...
وواحده قالت ... يابنتي انتي شايفه يعني من كترهم ... هو واحد بس نشترك فيه احنا التلاته ... وهو الشرع حلل اربعه ... هاها ها ...
ومرت الايام .... وتقابلنا ..مرة تانيه ... المرة دي واحنا قاعدين ... رن الموبايل بتاع صاحبتي .... وشها اتغير ... احمر ... واخدت الموبايل ورنتله وابتسمت ... بصتلها باستغراب مين ده .... قالت لي ده .. ابتسمت ... قولتلها ماتهرجيش مين ده ... قالت لي ده ياستي واحد ...... وحكت الحكاية ... وازاي اتعرفت عليه ... واد ايه هو بيحبها قوي قوي .... وهي كمان بتحبه ...باين عليها ماكدبش عليكم ... حكتلي على اد ايه هو كل شويه بيسأل عليها ... وهي كمان بتبقى مستنيه التلليفون يرن وتسمع صوته ..... وحاكتلي عليه لما بيتقابله ... اد ايه بتبقى مبسوطة جدا لما بتبقى معاه ...
في اللحظة دي .... روحت لبعيــــــــــــــــــــــــــد .... وافتكرت حبيبي ....
اد ايه انا كمان ببقى مبسوطه .... وانا واقفه مابين ايديه ... تخيلوا ...بنتكلم يوميا ... مش مرة واحده ...لآه ...بنتكلم كل يوم خمس مرات .... وبدل ماكل شويه اقول امتى التليفون يرن ... لأ ... ده انا كل لما احتاجه بلاقيه ....
اه ... بيسمعني وبسمعه .... ولأنه حبيبي .... وببقى مشتاقه قوي قوي ... اني اسمع كلامه .... دايما بيكلمني هو الاول .... عشان عارفني محتاجه اسمعه .... من اول مابقول الله اكبر ... وابدأ بقراءة الفاتحه ... ثم قراءة ماتيسر ... سبحان الله العظيم ... تركلنا حرية اختيار ماتيسر من القرآن ... ولم يلزمنا بقراءة سورة معينه ... فتلاقيك وانت مضايق تقول .... ( والضحى . والليل اذا سجى . ماودعك ربك وماقلى . وللأخرة خير لك من الأولى . ولسوف يعطيك ربك فترضى .....) ... ولما تكون مبتلى تلاقيك بتقرأ ( ولنبلونكماتفضل بشئ من الخوف والجوع ونقص من الاموال والانفس والثمرات وبشر الصابرين . الذين اذا اصابتهم مصيبه قالوا انا لله وانا اليه راجعون . اولئك على هدى من ربهم واولئك هم المهتدون .) ... ولما تكون مضايق من نفسك قوي وحاسس انك متمرد ... ونفسك تأدب نفسك ... تبص تلاقيك بتقرأ ( هل اتى على الانسان حين من الدهر لم يكن شيئا مذكورا . ....) .... ولما تكون فرحان قوي ونفسك تحمد ربنا جامد تبص تلاقيك بتقرأ ...( الحمد لله الذي انزل على عبده الكتاب ولم يجعل له عوجا .....) ... ولما تحس بحبه وقربه وفضله وان سبحانه وتعالي ليس له مثيل .... تبص تلاقيك بتقرأ بكل احساسك وبكل قوة .... ( قل هو الله احد . الله الصمد . لم يلد ولم يولد ولم يكن له كفوا احد .) ....
هاه ... بيكلمني .... مش بقولكم حبيبي .... اركع ... اسبحه ... وارفع ... احمده ... وبعدين .... الحضن بقى .... الحضن الرباني العظيم .... عمركم بقى شوفتوا بنت بيحضنها حبيبها ... اه... حضن رائع .... سبح بقى ... وقول كل اللي في نفسك ... قول بقى كل اللي عندك ... مخنوق ... عايز تبكي .... ابكي ... ابكي واشكيله ... ده هو ده حبيبك اللي انت جريت عليه ... عشان تقوله .
بلاش... بلاش مخنوق دي ...ربنا مايجيب زعل .... ايه فرحان .... سبح بقى ... واحمده ... ومن كتر شكرك ليه وعرفانك بمعروفه وفضله عليك .... بتبكي ... ومكسوف تقوم من حضنه الرائع ده .. لا والاحلى ... مش بس بتبكي ... ده انت بتبكي وبتضحك في نفس الوقت .... سبحان الله .... عيش بقى صلاتك .... او بمعنى اصح وقفتك ولقائك معاه .... الله ...
الله اكبر .... احساس رائع ... ياه ... اد ايه انا كمان ببقى مبسوطه لما بكلمه وبيكلمني ... اد ايه ببقى مبسوطه لما ابقى معاه .... الله ...
اي حب .... واي فرحه ... واي نشوة تضاهي محبة الله ... سبحانه وتعالي ...
على فكرة ...
لم اضرب مثلا بحب المتحابين ... للمقارنه ... حاشا لله ... بل لله المثل الاعلى ... ولكني حبيت اقول واقرب الصورة .. لعل وعسى كتير من البنات والشباب .. يفوقوا من هذا الحب الوهمي ... الذي يروجه الاعلام ... لان للاسف الشديد ... كتير قوي دلوقتي من الشباب والبنات شايفين انهم لازم يحبوا ويتحبوا عشان يعرفوا يعيشوا ...
وناسين ... احلى حب هما فعلا عايشينه .... واعظم حبيب ... هو فعلا حاسس بيهم قوي .. ومهتم بامورهم قوي ... وبيفرح بيهم قوي لما بيقربوله ولو خطوة واحده ... ده كمان بيكون فرحان اكتر منهم ...
ليه ناسينه ياجماعه ... ياريت حب الله يرجع يعمر قلوبنا ...
ياريت حب الله هو اللي ينور حياتنا ..
ياريت حب الله هو اللي يعلي رايتنا ...
ياريت حب الله يرجع يعز امتنا ... ياريت ...
تنفست الصعداء ... اه انا زهقت انا عايزة اجوز واقعد في البيت ...
ردت عليا ...اه يابنتي والله من سمعك عندك حق ...
وقالت وحدة تالته ... احنا نشوف ثلاته كده امهم داعية عليهم .. نتجوزهم ....
ها ها ها ها ها ها ها ... ضحكنا احنا التلاته ...
وواحده قالت ... يابنتي انتي شايفه يعني من كترهم ... هو واحد بس نشترك فيه احنا التلاته ... وهو الشرع حلل اربعه ... هاها ها ...
ومرت الايام .... وتقابلنا ..مرة تانيه ... المرة دي واحنا قاعدين ... رن الموبايل بتاع صاحبتي .... وشها اتغير ... احمر ... واخدت الموبايل ورنتله وابتسمت ... بصتلها باستغراب مين ده .... قالت لي ده .. ابتسمت ... قولتلها ماتهرجيش مين ده ... قالت لي ده ياستي واحد ...... وحكت الحكاية ... وازاي اتعرفت عليه ... واد ايه هو بيحبها قوي قوي .... وهي كمان بتحبه ...باين عليها ماكدبش عليكم ... حكتلي على اد ايه هو كل شويه بيسأل عليها ... وهي كمان بتبقى مستنيه التلليفون يرن وتسمع صوته ..... وحاكتلي عليه لما بيتقابله ... اد ايه بتبقى مبسوطة جدا لما بتبقى معاه ...
في اللحظة دي .... روحت لبعيــــــــــــــــــــــــــد .... وافتكرت حبيبي ....
اد ايه انا كمان ببقى مبسوطه .... وانا واقفه مابين ايديه ... تخيلوا ...بنتكلم يوميا ... مش مرة واحده ...لآه ...بنتكلم كل يوم خمس مرات .... وبدل ماكل شويه اقول امتى التليفون يرن ... لأ ... ده انا كل لما احتاجه بلاقيه ....
اه ... بيسمعني وبسمعه .... ولأنه حبيبي .... وببقى مشتاقه قوي قوي ... اني اسمع كلامه .... دايما بيكلمني هو الاول .... عشان عارفني محتاجه اسمعه .... من اول مابقول الله اكبر ... وابدأ بقراءة الفاتحه ... ثم قراءة ماتيسر ... سبحان الله العظيم ... تركلنا حرية اختيار ماتيسر من القرآن ... ولم يلزمنا بقراءة سورة معينه ... فتلاقيك وانت مضايق تقول .... ( والضحى . والليل اذا سجى . ماودعك ربك وماقلى . وللأخرة خير لك من الأولى . ولسوف يعطيك ربك فترضى .....) ... ولما تكون مبتلى تلاقيك بتقرأ ( ولنبلونكماتفضل بشئ من الخوف والجوع ونقص من الاموال والانفس والثمرات وبشر الصابرين . الذين اذا اصابتهم مصيبه قالوا انا لله وانا اليه راجعون . اولئك على هدى من ربهم واولئك هم المهتدون .) ... ولما تكون مضايق من نفسك قوي وحاسس انك متمرد ... ونفسك تأدب نفسك ... تبص تلاقيك بتقرأ ( هل اتى على الانسان حين من الدهر لم يكن شيئا مذكورا . ....) .... ولما تكون فرحان قوي ونفسك تحمد ربنا جامد تبص تلاقيك بتقرأ ...( الحمد لله الذي انزل على عبده الكتاب ولم يجعل له عوجا .....) ... ولما تحس بحبه وقربه وفضله وان سبحانه وتعالي ليس له مثيل .... تبص تلاقيك بتقرأ بكل احساسك وبكل قوة .... ( قل هو الله احد . الله الصمد . لم يلد ولم يولد ولم يكن له كفوا احد .) ....
هاه ... بيكلمني .... مش بقولكم حبيبي .... اركع ... اسبحه ... وارفع ... احمده ... وبعدين .... الحضن بقى .... الحضن الرباني العظيم .... عمركم بقى شوفتوا بنت بيحضنها حبيبها ... اه... حضن رائع .... سبح بقى ... وقول كل اللي في نفسك ... قول بقى كل اللي عندك ... مخنوق ... عايز تبكي .... ابكي ... ابكي واشكيله ... ده هو ده حبيبك اللي انت جريت عليه ... عشان تقوله .
بلاش... بلاش مخنوق دي ...ربنا مايجيب زعل .... ايه فرحان .... سبح بقى ... واحمده ... ومن كتر شكرك ليه وعرفانك بمعروفه وفضله عليك .... بتبكي ... ومكسوف تقوم من حضنه الرائع ده .. لا والاحلى ... مش بس بتبكي ... ده انت بتبكي وبتضحك في نفس الوقت .... سبحان الله .... عيش بقى صلاتك .... او بمعنى اصح وقفتك ولقائك معاه .... الله ...
الله اكبر .... احساس رائع ... ياه ... اد ايه انا كمان ببقى مبسوطه لما بكلمه وبيكلمني ... اد ايه ببقى مبسوطه لما ابقى معاه .... الله ...
اي حب .... واي فرحه ... واي نشوة تضاهي محبة الله ... سبحانه وتعالي ...
على فكرة ...
لم اضرب مثلا بحب المتحابين ... للمقارنه ... حاشا لله ... بل لله المثل الاعلى ... ولكني حبيت اقول واقرب الصورة .. لعل وعسى كتير من البنات والشباب .. يفوقوا من هذا الحب الوهمي ... الذي يروجه الاعلام ... لان للاسف الشديد ... كتير قوي دلوقتي من الشباب والبنات شايفين انهم لازم يحبوا ويتحبوا عشان يعرفوا يعيشوا ...
وناسين ... احلى حب هما فعلا عايشينه .... واعظم حبيب ... هو فعلا حاسس بيهم قوي .. ومهتم بامورهم قوي ... وبيفرح بيهم قوي لما بيقربوله ولو خطوة واحده ... ده كمان بيكون فرحان اكتر منهم ...
ليه ناسينه ياجماعه ... ياريت حب الله يرجع يعمر قلوبنا ...
ياريت حب الله هو اللي ينور حياتنا ..
ياريت حب الله هو اللي يعلي رايتنا ...
ياريت حب الله يرجع يعز امتنا ... ياريت ...